ബുദ്ധിമാന്മാരായ ഈ നക്ഷത്രക്കാർക്ക് ലോട്ടറിയടക്കം സാമ്പത്തിക നേട്ടമുണ്ടാകും, ഒപ്പം അഭിവൃദ്ധിയും ഉണ്ടാകും

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com

2026 ജൂലൈ 30 കർക്കിടകം 14 വ്യാഴാഴ്ച. രാമായണമാസം ദിനം 14.
(28 നാഴിക 35 വിനാഴിക വരെ തിരുവോണം നക്ഷത്രം ശേഷം അവിട്ടം നക്ഷത്രം)
(പ്രഥമ തിഥി 38 നാഴിക 3 വിനാഴിക വരെ ശേഷം ദ്വിതീയ തിഥി) (രാഹുകാലം 1.30 മണി മുതൽ 3 മണി വരെ)

അശ്വതി: ബിസിനസിൽ നേട്ടവും സമൂഹത്തിൽ ഉയർന്ന പദവിയും ലഭിക്കും, ഗൃഹം നവീകരിക്കും, പുതുവസ്ത്രങ്ങളും ആഭരണങ്ങളും വാങ്ങും, പിതൃസ്ഥാനീയർക്ക് ഗുണാനുഭവങ്ങൾ.

ഭരണി: പല വിധത്തിലുമുള്ള ആപത്തുകളിൽ നിന്നും രക്ഷപ്പെടും, പ്രശ്നങ്ങളെ അതിജീവിക്കുന്നതിനും പുതിയ ജീവിതമാർഗ്ഗങ്ങൾ കണ്ടെത്താനും സാധിക്കും, വിവാഹാലോചനകൾ തീരുമാനിക്കപ്പെടും.

കാർത്തിക: അഭിവൃദ്ധിയും സാമ്പത്തിക നേട്ടവും പ്രതീക്ഷിക്കാം. ഉയർച്ചകൾ കൈവരിക്കും, ബുദ്ധിപരമായി പല സന്ദർഭങ്ങളും കൈകാര്യം ചെയ്യും, ഏവരുടേയും പ്രശംസ നേടും.

രോഹിണി: ശത്രുക്കൾ ഒഴിഞ്ഞുപോകും, സ്വന്തം തീരുമാനങ്ങളിൽ ഉറച്ചു നിൽക്കും, യാത്രയിൽ കാര്യനേട്ടങ്ങൾ കൈവരിക്കും. വിവാഹ അന്വേഷണം നടത്തുന്നവർക്ക് മംഗല്യം സിദ്ധിക്കുന്ന അവസരമാണ്.

മകയിരം: അലസതകൾ അനുഭവപ്പെടും, കർമ്മസംബന്ധമായി ബുദ്ധിമുട്ടുകൾ, ഭവനത്തിൽ സമാധാനം കുറയും. ദുർചിലവുകൾ അനുഭവപ്പെടാം, പൊതു കാര്യങ്ങളിൽ ഇടപെട്ട് ദുഷ്‌പേര്, ഉദ്യോഗത്തിനു വേണ്ടിയുള്ള പരിശ്രമങ്ങൾ സാധിക്കും.

തിരുവാതിര: മേലധികാരികളിൽ നിന്നോ സർക്കാരിൽ നിന്നോ പ്രശ്നങ്ങൾ അഭിമുഖീകരിക്കേണ്ടി വരും. വിഷാഗ്നി ഭയത്തിന് ഇടയായേക്കാം, ക്ഷതപതന ദുരിതങ്ങൾ, വിവാഹ ആലോചനകൾ മാറ്റി വയ്ക്കാനിടയാകും, ജീവിതത്തിൽ വഴിത്തിരിവ് ആയേക്കാവുന്ന ഒരു പുതിയ ബന്ധം ഉണ്ടാകും.

പുണർതം: കുടുംബത്തിൽ അസ്വസ്ഥതകളും അഭിപ്രായ ഭിന്നതകളും, മനഃക്ലേശത്തിന് സാദ്ധ്യത, കടബാദ്ധ്യതകൾ മാനസിക സംഘർഷത്തിനിടയാക്കും.
യാത്ര താമസിക്കുകയോ മുടങ്ങുകയോ ചെയ്യും, സഹോദര ഭാഗത്തു നിന്നും മനക്ലേശം.

പൂയം: മധുരമായി സംസാരിക്കുന്നത് കൊണ്ട് അധികാരികൾ സൗമ്യമായ രീതിയിൽ ഇടപെടും. തൊഴിൽ രംഗത്ത് ഉയർച്ച, അംഗീകാരം എന്നിവ ലഭിക്കും, ഭൂമിയിൽനിന്നും ആദായം വർദ്ധിക്കും, ദൈവിക കാര്യങ്ങൾ നടത്തുവാൻ അവസരം ലഭിക്കും.

ആയില്യം: ആശുപത്രിവാസത്തിന് സാദ്ധ്യതയുള്ളതിനാൽ ശ്രദ്ധിക്കണം. കുടുംബത്തിൽ ശുഭകാര്യങ്ങൾ നടക്കും, കേസുകൾ, ശത്രുത എന്നിവ സംഭവിക്കാതിരിക്കുവാൻ കൂടുതൽ ശ്രദ്ധിക്കണം, സ്വന്തം തൊഴിൽ അനുഷ്ഠിക്കുന്നവർക്കും ഗുണകരമായ സമയം.

മകം: വാഹന ഭാഗ്യം, മുടങ്ങിപോയിരുന്ന പ്രണയം പുനഃരാരംഭിക്കും. വാണിജ്യം, വ്യവസായം എന്നീ മേഖലയിൽ പ്രവർത്തിക്കുന്നവർക്ക് ഗുണപ്രദമായ ദിനം, സുഗന്ധ ദ്രവ്യങ്ങൾ,അലങ്കാര വസ്തുക്കൾ എന്നിവ ലഭിക്കും.

പൂരം: യാത്രയിൽ ഗുണാനുഭവങ്ങൾ, കുടുംബാംഗങ്ങൾ തമ്മിൽ ചേർച്ചയുണ്ടാകും, തൊഴിൽരംഗത്ത് പുതിയ ഉത്തരവാദിത്വങ്ങൾ ഏറ്റെടുക്കും. സന്താനങ്ങളിൽ നിന്നും സന്തോഷം വർദ്ധിക്കും. വിദ്യാഭ്യാസ പുരോഗതി, എല്ലാ രംഗത്തും വിജയം.

ഉത്രം: ഇഷ്ടഭക്ഷണ ലഭ്യത, ധനനേട്ടം, കുടുംബസമാധാനം, ബന്ധുക്കളിൽ നിന്നും സഹായം കിട്ടും, ആപത്തുകളിൽ നിന്നും രക്ഷപ്പെടും. പുതിയ സംരംഭങ്ങൾ തുടങ്ങാനുള്ള തീരുമാനം ഉണ്ടാകും, മറ്റുള്ളവരുടെ പ്രശംസ പിടിച്ചു പറ്റും.

അത്തം: ആരോഗ്യ സംരക്ഷണത്തിൽ അതീവ ജാഗ്രത കാണിക്കും. പരിശ്രമ ശീലം കൂടുതൽ ആയിരിക്കും, കുടുംബപരമായി സ്വസ്ഥതയും സമാധാനവും. സ്ഥാനക്കയറ്റം ലഭിക്കും, രോഗദുരിതങ്ങൾക്ക് ശമനം കണ്ടു തുടങ്ങും.

ചിത്തിര: കുടുംബത്തിലെ മുതിർന്നവരെ കൊണ്ട് സഹായവും ധനപ്രാപ്തിയും, ശത്രുശല്യം കുറയും, ആർഭാടകരമായ ജീവിതസൗകര്യം വന്നുചേരും, മുടങ്ങിക്കിടന്നിരുന്ന കാര്യങ്ങൾ പുനഃരാരംഭിക്കും, പൊതുജനങ്ങൾക്ക് സേവന പ്രവർത്തനങ്ങൾ നടത്തും.

ചോതി: ആവേശപൂർവ്വം ജോലികൾ ചെയ്തു തീർക്കും. കരാർ ജോലികളിൽ നിന്നും നേട്ടങ്ങളുണ്ടാകും. സർക്കാർ അംഗീകാരങ്ങൾ ലഭിക്കാനിടയാകും, ദാമ്പത്യസുഖം ലഭിക്കും, തൊഴിലിൽ അഭിവൃദ്ധിയുണ്ടാകും.

വിശാഖം: അംഗീകാരം കൈവിട്ടുപോയ അവസ്ഥ വരും, സ്വാർഥത ഒഴിവാക്കുക. ഒന്നിലധികം വിഷയങ്ങൾ കൈകാര്യം ചെയ്യേണ്ടി വരും. വസ്തുസംബന്ധമായ തർക്കങ്ങൾക്ക് പരിഹാരം കണ്ടെത്തും. അസ്വസ്ഥതകൾ മാറിത്തുടങ്ങും.

അനിഴം: കലാരംഗത്ത് പ്രവർത്തിക്കുന്നവർക്ക് നേട്ടം, ശാരീരിക അസുഖങ്ങൾ ഭേദപ്പെടും. പ്രയത്നത്തിനു തക്കവണ്ണം സാമ്പത്തിക ലാഭം, സ്‌നേഹബന്ധങ്ങൾക്ക് തുടക്കം കുറിക്കും, ബന്ധുക്കൾ സ്‌നേഹത്തോടെ പെരുമാറും.

തൃക്കേട്ട: തൊഴിലിൽ ഉയർച്ചയും പുത്തനുണർവും ഉണ്ടാകും, ഉല്ലാസയാത്രകളിൽ പങ്കെടുക്കും,സർക്കാരിൽ നിന്നും ആനുകൂല്യങ്ങൾ ലഭിക്കും, പങ്കാളിയുടെ ഭാഗത്തു നിന്നും സാമ്പത്തികമായ സഹായങ്ങൾ, വസ്തുവകകൾ എന്നിവ വന്നുചേരും.

മൂലം: സന്താനങ്ങളുടെ ആരോഗ്യകാര്യങ്ങൾക്കായി പണവും സമയവും ചെലവഴിക്കേണ്ടി വരും. ശാരീരിക പ്രശ്നങ്ങൾ അലട്ടും, വളരെ സൂക്ഷിച്ചില്ലെങ്കിൽ അമിതമായ ധനചിലവ്, കാര്യങ്ങൾക്ക് തടസ്സം നേരിടും, വസ്തുതർക്കം.

പൂരാടം: ഗൃഹത്തിൽ സ്വസ്ഥതക്കുറവ്, സഹപ്രവർത്തകരുമായി വാദപ്രതിവാദങ്ങൾ ഉണ്ടാകും,ശസ്ത്രക്രിയയാലോ മറ്റെന്തെങ്കിലും അശ്രദ്ധയാലോ ശരീരത്തിന് മുറിവ് സംഭവിക്കാം, സഹോദര പക്ഷത്ത് നിന്നും അകൽച്ച.

ഉത്രാടം: അപകീർത്തിക്കു സാദ്ധ്യത, ശാരീരിക അസുഖങ്ങൾ കൂടും, സഹപ്രവർത്തകർ ശത്രുതാ മനോഭാവത്തോടെ പെരുമാറും, മുൻകോപവും പിടിവാശിയും കുടുംബത്തിലും ജോലിസ്ഥലത്തും പ്രശ്നങ്ങൾ ഉണ്ടാകും.

തിരുവോണം: ശത്രുക്കളുടെ ശല്യം നിമിത്തം അപകടം സംഭവിക്കാം, ആത്മധൈര്യം കൈവിടാതെ പ്രവർത്തിക്കണം, അപ്രതീക്ഷിതമായി ധനലാഭം. അപകട സാദ്ധ്യതയുള്ളതിനാൽ അസമയത്തുള്ള യാത്രകൾ ഒഴിവാക്കണം.

അവിട്ടം: പല കാര്യത്തിലും അവിചാരിത തടസ്സങ്ങൾ, സുഹൃത്തുക്കളുമായി കലഹവും അകൽച്ചയും ഉണ്ടാകും. മാതാവിൽ നിന്നും മനപ്രയാസം,
ബന്ധുജനങ്ങളിൽ നിന്നും വിമർശനങ്ങൾ നേരിടേണ്ടിവന്നേക്കും, ഉത്തരവാദിത്വങ്ങൾ നിറവേറ്റുവാൻ പ്രയാസപ്പെടും.

ചതയം: കള്ളന്മാരെക്കൊണ്ട് ചില നാശനഷ്ടങ്ങൾക്ക് സാദ്ധ്യതയുണ്ട്. പ്രവർത്തികൾക്ക് അംഗീകാരം കിട്ടില്ല, രക്തദൂഷ്യ അസുഖങ്ങൾ അലട്ടുവാൻ വഴിയുണ്ട്. ദാമ്പത്യ ജീവിതത്തിലും അപ്രതീക്ഷിത പ്രയാസങ്ങൾ, പണത്തിന് ബുദ്ധിമുട്ട് വരും.

പൂരുരുട്ടാതി: പുതിയ ഗൃഹോപകരണങ്ങൾ വാങ്ങിക്കും, വിവാഹാദി മംഗളകർമ്മങ്ങളിൽ പങ്കെടുക്കും, വിദ്യാഭ്യാസം,തൊഴിൽ എന്നീ രംഗത്ത് നേട്ടങ്ങൾ കൈവരിക്കും, പ്രേമവിവാഹം തീരുമാനമാകും, പിണങ്ങി നിന്ന ദമ്പതികൾ യോജിപ്പിലാകും.

ഉത്തൃട്ടാതി: ബുദ്ധി ഉപയോഗിച്ച് സമ്പത്ത് ഉണ്ടാക്കുന്നതാണ്. ദാമ്പത്യം സന്തോഷപ്രദമായിരിക്കും, കല്യാണ വിഷയത്തിൽ അനുകൂലമായ തീരുമാനങ്ങൾ,
വിദ്യാഭ്യാസരംഗത്ത് നല്ല പുരോഗതി,യാത്രക്ക് അനുയോജ്യമായ സമയം.

രേവതി: എടുത്തുചാട്ടവും കുറ്റം പറച്ചിലും വിനയായി മാറിയേക്കും. അപമാനിക്കാൻ മറ്റുള്ളവർ ശ്രമിക്കും സൂക്ഷിക്കുക, വാഹനയാത്ര ശ്രദ്ധിക്കണം, കുടുംബാംഗങ്ങളോട് പരുഷമായ വാക്കുകൾ ഉപയോഗിക്കും, ആരോഗ്യപരമായി ബുദ്ധിമുട്ട്.