ഭാര്യാഗൃഹവും ബന്ധുക്കളുടെ വീടും ആക്രമിച്ച യുവാവ് പിടിയിൽ

തെക്കുംഭാഗം: ഭാര്യയുടെയും ബന്ധുക്കളുടെയും വീടുകൾ ആക്രമിച്ച് വാഹനങ്ങൾ തകർത്ത സംഭവത്തിൽ യുവാവ് പിടിയിൽ. ശൂരനാട് സ്വദേശി അനൂപാണ് (43)​ ചവറ തെക്കുംഭാഗം പൊലീസിന്റെ പിടിയിലായത്.

ഇന്നലെ പകൽ പുത്തൻസങ്കേതം,​ വടക്കുംഭാഗം പ്രദേശങ്ങളിലായി മൂന്ന് വീടുകളാണ് ആക്രമിക്കപ്പെട്ടത്.ഭാര്യാഗൃഹത്തിന് പുറമേ അവരുടെ മുത്തശ്ശിയുടെയും അടുത്ത ബന്ധുവിന്റേതുമുൾപ്പടെ മൂന്ന് വീടുകളാണ് ആക്രമിക്കപ്പെട്ടത്. വീട്ടുമുറ്റത്ത് നിറുത്തിയിട്ടിരുന്ന വാഹനങ്ങൾ നശിപ്പിച്ച ശേഷം വീട്ടിനുള്ളിൽ കയറി ഗൃഹോപകരണങ്ങൾ അടിച്ചുതകർക്കുകയായിരുന്നു. ആക്രമണത്തിൽ ഒരാൾ കൂടി ഉൾപ്പെട്ടിരുന്നെങ്കിലും പൊലീസ് എത്തിയപ്പോഴേക്കും രക്ഷപ്പെട്ടു.