സ്കൂളി​ലെ  മോഷണം​: ​11 വർഷത്തിനു ശേഷം പ്രതി പിടിയിൽ​ 

​ ഫറോക്ക്​: പതിനൊന്നു വർഷങ്ങൾക്ക് ​മുൻപ് ചെറുവണ്ണൂർ ഗവ.​ഹയർ സെക്കൻഡറി ​സ്കൂളിൽ ​ മോഷണം നടത്തി മുങ്ങിയ ഫ​റോക്ക് മണ്ണൂർ സ്വദേശി സുബീഷ്​ (32)നെ നല്ലളം ​പൊലീസ് കഴിഞ്ഞ ദിവസം പിടികൂടി. ​ 2013​ ൽ​ ​ സ്കൂളിൻെറ ഓഫീസ് മുറി കുത്തിത്തുറന്ന് ലാപ് ടോപ്പ്, ക്യാമറ മുതലായവ കളവ് നടത്തി മുങ്ങിയ പ്രതിയാണ് നല്ലളം ​പൊലീസിൻ്റെ പിടിയിലായത്. മോഷണം നടന്ന സ്ഥലത്ത് നിന്നും ​പൊലീസ് ശേഖരിച്ച വിരലടയാള രേഖകൾ പരിശോധിച്ചാണ് പ്രതിയെക്കുറിച്ച് സൂചന ലഭിച്ചത്. മോഷണം നടത്തിയ ശേഷം ഒളിവിൽ കഴിഞ്ഞുവന്ന പ്രതി കഴിഞ്ഞ ദിവസം മണ്ണൂരിലുള്ള വീട്ടിലെത്തിയതായുള്ള രഹസ്യവിവരത്തെ തുടർന്ന് നടത്തിയ പരിശോധനയിലാണ് പിടികൂടിയത്. പ്രതി ഫറോക്ക് ​പൊലീസ് സ്റ്റേഷനിൽ രജിസ്റ്റർ ചെയ്ത കവർച്ചാ കേസിലും പ്രതിയാണ്. ഫറോക്ക് എ.സി.പി. എ.എം. സിദ്ദീഖിന്റെ നേതൃത്വത്തിലുള്ള പ്രത്യേക അന്വേഷണ സംഘവും എസ്.ഐ.മാരായ അബ്ബാസ്, മനോജ്, എസ്.സി.പി.ഒ പ്രവീൺ എന്നിവർ പിടികൂടിയ സംഘത്തിൽ ഉണ്ടായിരുന്നു. ​