വധശ്രമകേസിൽ പ്രതിക്ക്​ മൂന്നുവർഷം കഠിനതടവ്​

ആലപ്പുഴ: വീട്ടുമുറ്റത്ത്​ കയറി വടിവാളിന്​​ മദ്ധ്യവയസ്കനെ വെട്ടിക്കൊല്ലാൻ ശ്രമിച്ച കേസിൽ പ്രതിയായ യുവാവിന്​ മൂന്നുവർഷം കഠിനതടവും പിഴയും. ആലപ്പുഴ നഗരസഭ കാഞ്ഞിരംചിറ വാർഡിൽ തൈപറമ്പ് വീട്ടിൽ രഞ്​ജിഷിനെയാണ്(31) ആലപ്പുഴ അഡീഷനൽ ജില്ലസെഷൻസ്​ കോടതി- മൂന്ന്​ ജഡ്ജി എം.ഷുഹൈബ്​ ശിക്ഷിച്ചത്​. 2018 ഏപ്രിൽ 13ന്​ വൈകിട്ട്​ മൂന്നിനായിരുന്നു കേസിനാസ്​പദമായ സംഭവം. മാളികമുക്ക്​ പടിഞ്ഞാട്​ കുരിശ്ശടിക്ക്​ സമീപം തെക്കേതൈയിൽ വീട്ടിൽ ബെന്നിയൊണ്​(50) വടിവാൾ ഉപയോഗിച്ച്​ ആക്രമിച്ച്​ പരിക്കേൽപിച്ചത്​. ആലപ്പുഴ നോർത്ത് എസ്​.ഐ ബൈജുവാണ്​ കേസ്​ അന്വേഷിച്ച്​ കോടതിയിൽ കുറ്റപത്രം സമർപ്പിച്ചത്​. പ്രോസിക്യൂഷന് വേണ്ടി അഡീഷനൽ ഗവ.പ്ലീഡർ ആൻഡ്​ പബ്ലിക് പ്രോസിക്യൂട്ടർ എൻ.ബി ശാരി ഹാജരായി.