ഐജി ഷെഫീൻ അഹമ്മദ് ഐപിഎസ്‌ അന്തരിച്ചു, അന്ത്യം കാൻസർ ചികിത്സയ്‌ക്കിടെ

തിരുവനന്തപുരം: ഒഡിഷ കേഡർ ഐപിഎസ് ഉദ്യോഗസ്ഥനും മലയാളിയുമായ ഐജി ഷെഫിൻ അഹമ്മദ് ഐപിഎസ് അന്തരിച്ചു. തിരുവനന്തപുരത്ത് സ്വകാര്യ ആശുപത്രിയിൽ ചികിത്സയിലിരിക്കെയായിരുന്നു അന്ത്യം. 50 വയസായിരുന്നു. ഒഡിഷ ക്രൈംബ്രാഞ്ച് ഐജിയായിരുന്നു. കാൻസർ രോഗബാധയെ തുടർന്ന് ചികിത്സയിൽ തുടരവെയാണ് മരണം സംഭവിച്ചത്.

സിഐടിയു നേതാവായിരുന്ന ഹബീബിന്റെ മകനാണ് ഷെഫീൻ അഹമ്മദ്. തിരുവനന്തപുരം സിഇടി എഞ്ചിനീയറിംഗ് കോളേജിൽ നിന്ന് എഞ്ചിനീയറിംഗ് ബിരുദം നേടി. 2003ൽ സിവിൽ സർവീസ് നേടി. ഒഡീഷ കേഡറിൽ ഐപിഎസ് ഉദ്യോഗസ്ഥനായി. അസിസ്റ്റന്റ് സൂപ്രണ്ടായി സർവീസിൽ പ്രവേശിച്ച അദ്ദേഹത്തിന് സൈബർ സുരക്ഷാ ക്യാമ്പെയിനുകൾക്ക് അവാർഡുകളും ലഭിച്ചിട്ടുണ്ട്.