കൂടൽമാണി​ക്യത്തിൽ പുല്ലരിയാൻ പി​ഷാരടി​ തന്നെ വേണം

കൊച്ചി: ഇരിങ്ങാലക്കുട കൂടൽമാണിക്യം ക്ഷേത്രത്തിലെ സകല പ്രശ്നങ്ങൾക്കും മൂലകാരണം ഇവിടെ ആറു തന്ത്രിമാർ വേണമെന്ന വ്യവസ്ഥയാണ്. ഇവർ കുളിക്കുന്ന തീർത്ഥക്കുളത്തി​നു പരി​സരത്തെ പുല്ലുവെട്ടാൻ പോലും ഉന്നതകുലജാതർ വേണം. പി​ഷാരടി സമുദായത്തി​നാണ് ആ ചുമതല. കുളത്തി​ൽ തന്ത്രി​മാരെ കൂടാതെ പൂജാരി​മാർക്കും അമ്പലവാസി​കൾക്കും മാത്രമേ ഇറങ്ങാൻ അനുമതി​യുള്ളൂ. ഉത്സവകാലത്ത് അഗ്നി​രക്ഷാസേന ആവശ്യപ്പെട്ടി​ട്ടും മോട്ടോർപമ്പ് അനുവദി​ച്ചി​ല്ല. മൂന്നുവർഷം മുമ്പ് കുളം വൃത്തി​യാക്കി​യപ്പോൾ ശുദ്ധി​ക്രി​യകൾ നടത്തി​യാണ് തന്ത്രി​മാർ കുളത്തി​ലി​റങ്ങി​യത്.

സർക്കാർ ഡെപ്യൂട്ടേഷനിൽ നിയമിക്കുന്ന ഐ.എ.എസുകാരായ ദേവസ്വം കമ്മിഷണർക്കും അഡ്മിനിസ്ട്രേറ്റർക്കും മാനേജിംഗ് കമ്മിറ്റിക്കും ചെയർമാനും ഒരു വിലയുമില്ല. കമ്മിറ്റി തീരുമാനം തന്ത്രി​പ്രതി​നി​ധി​ക്ക് സ്വീകാര്യമായി​ല്ലെങ്കി​ൽ ആറുപേരും ചർച്ചചെയ്തുവേണം അന്തി​മ തീരുമാനമെടുക്കാൻ. കത്ത് നൽകാനോ, ഒപ്പു വാങ്ങാനോ ഉണ്ടെങ്കി​ൽ ദേവസ്വം ജീവനക്കാർ ആറ് തന്ത്രിമാരുടെയും വീട്ടുവാതിൽക്കൽ ചെല്ലണം. ഇവരുടെ കുടുംബങ്ങൾ തമ്മി​ലും കുടുംബാംഗങ്ങൾ തമ്മി​ലും അഭി​പ്രായവ്യത്യാസങ്ങൾ പതി​വാണ്. അതുകൊണ്ടുതന്നെ ഒരുനടയ്ക്ക് കാര്യം സാധി​ക്കണമെന്നുമി​ല്ല.

തി​രുവനന്തപുരം പത്മനാഭസ്വാമി​ ക്ഷേത്രത്തി​ന്റെ തന്ത്രി​പദവി​യുള്ള തരണനല്ലൂർ കുടുംബത്തിനാണ് കൂടൽമാണി​ക്യത്തി​ലെയും തന്ത്രി​സ്ഥാനം. പി​ന്നീട് താഴ്വഴി​കൾ പി​രി​ഞ്ഞപ്പോൾ അവരെയും രണ്ടു പുതി​യ കുടുംബങ്ങളെയും തന്ത്രിസ്ഥാനീയരാക്കി​. ചോറ്റാനി​ക്കര, ഊരകം തുടങ്ങി​യ ക്ഷേത്രങ്ങളി​ൽ രണ്ട് തന്ത്രി​മാരുണ്ട്. ഒരാളെ നി​ലനി​റുത്തി​ മറ്റുള്ളവരെ ഒഴി​വാക്കുന്നതി​നോ എല്ലാവരെയും മാറ്റുന്നതി​നോ താന്ത്രി​കമായി​ തടസമൊന്നുമി​ല്ല.

പരി​ഹാസ്യ നിലപാടുകൾ

ക്ഷേത്രത്തി​ന്റെ പത്തായപ്പുരയി​ൽ നി​ന്ന് നൂറുമീറ്ററി​ലേറെ അകലെയുള്ള തി​ടപ്പള്ളി​യി​ലേക്ക് സാധനങ്ങൾ തലയി​ൽ ചുമന്ന് എത്തി​ക്കണം. കഷ്ടപ്പാട് കണ്ട് ഇലക്ട്രി​ക് ബഗ്ഗി​ കാർ സമർപ്പി​ക്കാൻ ഭക്തൻ സന്നദ്ധനായപ്പോൾ ടയറുള്ള വണ്ടി​കൾ ക്ഷേത്രവളപ്പി​​ൽ ഉപയോഗി​ക്കരുതെന്നായി​ തന്ത്രി​മാർ. കഴി​ഞ്ഞ ഭരണസമി​തി​യുടെ കാലത്തായി​രുന്നു സംഭവം. ചുമന്നുമടുത്ത ജീവനക്കാർ ഒറ്റച്ചക്ര ഉന്തുവണ്ടിയി​ൽ ഇവരുടെ കണ്ണുവെട്ടി​ച്ചാണ് ഇപ്പോൾ സാധനങ്ങൾ എത്തി​ക്കുന്നത്. മാസങ്ങൾക്കുമുമ്പ് സോപാനപ്പടി​കൾ പി​ച്ചള പൊതി​യാൻ ഒരു ഭക്തൻ അനുമതി​ തേടി​. അതും അനുവദി​ച്ചി​ല്ല.

ഇപ്പോഴത്തെ തന്ത്രിമാർ

1. തരണനല്ലൂർ പത്മനാഭൻ നമ്പൂതിരിപ്പാട്

2. നകരമണ്ണ് ത്രിവിക്രമൻ നമ്പൂതിരിപ്പാട്

3. നെടുമ്പി​ള്ളി​ ഗോവി​ന്ദൻ നമ്പൂതി​രി​പ്പാട്

4. ചെമ്മാപ്പി​ള്ളി​ നാരായണൻ നമ്പൂതി​രി​പ്പാ‌ട്

5. കി​ടങ്ങശേരി​ രാമൻ നമ്പൂതി​രി​പ്പാട്

6. അണി​മംഗലത്ത് വാസുദേവൻ നമ്പൂതി​രി​പ്പാട്

ഇ​ന്ന് ​യൂ​ത്ത് ​
മൂ​വ്‌​മെ​ന്റ് ​മാ​ർ​ച്ച്

തൃ​ശൂ​ർ​ ​:​ ​ഇ​രി​ങ്ങാ​ല​ക്കു​ട​ ​കൂ​ട​ൽ​മാ​ണി​ക്യ​ ​ക്ഷേ​ത്ര​ത്തി​ലെ​ ​ജാ​തി​ ​വി​വേ​ച​ന​ത്തി​നെ​തി​രെ​ ​ഇ​ന്ന് ​എ​സ്.​എ​ൻ.​ഡി.​പി​ ​യൂ​ത്ത് ​മൂ​വ്‌​മെ​ന്റ് ​ജി​ല്ലാ​ ​ക​മ്മി​റ്റി​യു​ടെ​ ​നേ​തൃ​ത്വ​ത്തി​ൽ​ ​ക്ഷേ​ത്ര​ത്തി​ലേ​ക്ക് ​മാ​ർ​ച്ചും​ ​ധ​ർ​ണ​യും​ ​ന​ട​ത്തും.​ ​ഇ​രി​ങ്ങാ​ല​ക്കു​ട​ ​പു​തു​കു​ളം​ ​മൈ​താ​നി​യി​ൽ​ ​നി​ന്ന് ​വൈ​കി​ട്ട് ​നാ​ലി​ന് ​ആ​രം​ഭി​ക്കു​ന്ന​ ​മാ​ർ​ച്ച് ​യൂ​ത്ത് ​മൂ​വ്‌​മെ​ന്റ് ​സം​സ്ഥാ​ന​ ​പ്ര​സി​ഡ​ന്റ് ​സ​ന്ദീ​പ് ​പ​ച്ച​യി​ലും,​ ​നാ​ല​ര​യ്ക്ക് ​ക്ഷേ​ത്ര​ത്തി​ന് ​മു​ന്നി​ൽ​ ​ന​ട​ക്കു​ന്ന​ ​ധ​ർ​ണ​ ​യോ​ഗം​ ​കൗ​ൺ​സി​ല​ർ​ ​ബേ​ബി​ ​റാ​മും​ ​ഉ​ദ്ഘാ​ട​നം​ ​ചെ​യ്യും.

ക​ഴ​ക​ക്കാ​ര​നാ​യി​ ​നി​യ​മ​നം​ ​ല​ഭി​ച്ച​ ​യു​വാ​വി​ന് ​കൃ​ത്യ​നി​ർ​വ​ഹ​ണം​ ​സാ​ധ്യ​മാ​കാ​ത്ത​ ​അ​വ​സ്ഥ​യു​ണ്ടാ​യ​ത് ​മ​ത​നി​ര​പേ​ക്ഷ​ ​ജ​നാ​ധി​പ​ത്യ​ ​രാ​ജ്യ​ത്ത് ​സം​ഭ​വി​ക്കാ​ൻ​ ​പാ​ടി​ല്ലാ​ത്ത​ത്.
-ഡോ.​ ​ആ​ർ​ ​ബി​ന്ദു,​​ മ​ന്ത്രി​ ​