ആ​ത്മ​ഹ​ത്യാ​ശ്ര​മം​:​ കോട്ടയത്ത് അ​മ്മ​യും​ ​മ​ക​ളും​ ​മ​രി​ച്ചു, പിതാവും മകനും ഗുരുതര നിലയിൽ

കോ​ട്ട​യം​:​ മക്കൾക്ക് വിഷം നൽകി ദമ്പതികൾ ആത്മഹത്യ ചെയ്യാൻ ശ്രമിച്ച സംഭവത്തിൽ ചികിത്സയിലായിരുന്ന ​അമ്മയും മകളും മരിച്ചു.​ അ​യ​ർ​ക്കു​ന്നം​ ​ളാ​ക്കാ​ട്ടൂ​ർ​ ​ചി​റ​പ്പു​റ​ത്ത് ​തോ​മ​സ് ​(​ജോ​ബി 50​)ന്റെ ​ഭാ​ര്യ​ ​ജോ​സ്‌​ന​ ​(40​),​ ​മ​കൾ മരിയ തോമസ് തെരേസ (17) എന്നിവരാണ് മരിച്ചത്.

ഇന്നലെ പുലർച്ചെയോടെയാണ് മരിയ മരണത്തിന് കീഴടങ്ങിയത്. മകളുടെ പോസ്റ്റുമോർട്ടം നടപടികൾ പൂർത്തിയായതിന് പിന്നാലെ വൈകിട്ടോടെ അമ്മയും മരിച്ചു. ജോബിയുടെയും മകൻ അലൻ തോമസിന്റെയും (12) നില അതീവ ഗുരുതരമാണെന്നാണ് വിവരം.

ക​ഴി​ഞ്ഞ​ പതിമൂന്നിനായിരുന്നു​ ​സം​ഭ​വം. ​ജോ​സ്‌​ന​യും​ ​മ​ക്ക​ളും​ ​ജ്യൂ​സി​ന​ക​ത്തും​ ​തോ​മ​സ് ​മ​ദ്യ​ത്തി​ൽ​ ​ചേ​ർ​ത്തു​മാ​ണ് ​കീ​ട​നാ​ശി​നി​ ​ക​ഴി​ച്ച​ത്.​ ​മെ​ഡി​ക്ക​ൽ​ ​കോ​ളേ​ജി​ൽ​ ​പ്ര​വേ​ശി​പ്പി​ച്ച​ത് ​മു​ത​ൽ​ 96​ ​മ​ണി​ക്കൂ​ർ​ ​തു​ട​ർ​ച്ച​യാ​യി​ ​ഡ​യാ​ലി​സി​സ് ​ചെ​യ്ത ​അ​ല​ന്റെ ​ ​ജീ​വ​ൻ​ ​രക്ഷിക്കാനുള്ള​ ​തീ​വ്ര​ശ്ര​മ​ത്തി​ലാ​ണ് ​ഡോ​ക്ടർ​മാ​ർ.​ ​സാമ്പത്തിക ഇടപാടുകളാണ് ആത്മഹത്യാ ശ്രമത്തിന് പിന്നിലെന്നാണ് വിവരം.

കൂ​രോ​പ്പ​ട​ ​സ​ർ​വീ​സ് ​സ​ഹ​ക​ര​ണ​ ​ബാ​ങ്കി​ലെ​ ​ക​ള​ക്ഷ​ൻ​ ​ഏ​ജ​ന്റാണ് ​ജോ​സ്‌​ന.​ ​മ​റ്റ​ക്ക​ര​ ​എ​ച്ച്.എ​സ്.എ​സ് ​പ്ല​സ്ടു​ ​വി​ദ്യാ​ർ​ത്ഥി​നി​യാ​ണ് ​മ​രി​യ.​ ​പോ​സ്റ്റുമോർട്ടത്തിന് ​ ​ശേ​ഷം​ ​ബ​ന്ധു​ക്ക​ൾ​ക്ക് ​വി​ട്ടു​കൊ​ടു​ത്ത​ ​മ​രി​യ​യു​ടെ​ ​മൃ​ത​ദേ​ഹം​ ​കാ​രി​ത്താ​സിലെ​ ​സ്വ​കാ​ര്യ​ ​ആ​ശു​പ​ത്രി​യി​ലും​ ​ജോ​സ്‌​ന​യു​ടെ​ ​മൃ​ത​ദേ​ഹം​ ​മെ​ഡി​ക്ക​ൽ​ ​കോ​ളേ​ജ് ​മോ​ർ​ച്ച​റി​യി​ലും​ ​സൂ​ക്ഷി​ച്ചി​രി​ക്കു​ക​യാ​ണ്.

(ശ്രദ്ധിക്കുക: ആത്മഹ‌ത്യ ഒന്നിനും പരിഹാരമല്ല. മാനസികാരോഗ്യ വിദഗ്‌ധരുടെ സഹായം തേടുക. ഹെൽപ്പ്ലൈൻ നമ്പരുകൾ-1056, 0471- 2552056)