റോബിൻ രാധാകൃഷ്ണന് എതിരെ സാമ്പത്തിക തട്ടിപ്പ് പരാതി

കൊച്ചി: ബി.ജെ.പി യുവനേതാവും കുണ്ടറയിൽ എൻ.ഡി.എ സ്ഥാനാർത്ഥിയുമായിരുന്ന ഡോ. റോബിൻ രാധാകൃഷ്ണനെതിരെ ലക്ഷങ്ങളുടെ സാമ്പത്തിക തട്ടിപ്പ് പരാതി. കണ്ടെന്റ് ക്രിയേറ്റർ വേദലക്ഷ്മി, സുഹൃത്തും ഫാഷൻ ഡിസൈനറുമായ അബിൽദേവ് എന്നിവരാണ് പെരുമ്പാവൂർ പൊലീസിൽ പരാതി നൽകിയത്. കേസെടുത്തിട്ടില്ല. വേദലക്ഷ്മിക്ക് എട്ടു ലക്ഷം രൂപയും അബിൽദേവിന് 40 ലക്ഷത്തോളം രൂപയും റോബിൻ നൽകാനുണ്ട്. പണം തിരികെ ചോദിച്ചപ്പോൾ ബി.ജെ.പി ബന്ധങ്ങൾ ചൂണ്ടിക്കാട്ടിയതായും, ഹണിട്രാപ്പിൽപ്പെടുത്തുമെന്ന് ഭീഷപ്പെടുത്തിയതായും ഇരുവരും മാദ്ധ്യമങ്ങളോട് പറഞ്ഞു.