ആക്രിക്കൂമ്പാരത്തിനിടയിൽ അനക്കം; തിരിഞ്ഞുനോക്കിയപ്പോൾ തൊഴിലാളികൾ കണ്ടത് പത്തിവിടർത്തിയ മൂർഖനെ

തിരുവനന്തപുരം ജില്ലയിലെ കടമ്പാട്ടുകോണം എന്ന സ്ഥലത്തുള്ള ഒരു വീട്ടിലേക്കാണ് വാവാ സുരേഷിന്റെ ഇന്നത്തെ ആദ്യ യാത്ര. വീടിന് പുറകിലെ കുഴിയിൽ ഒരു മൂർഖൻ പാമ്പ് വീണുകിടക്കുന്നു. സ്ഥലത്തെത്തിയ വാവ കണ്ടത് കുഴിയിൽനിന്ന് മുകളിലേക്ക് ഇഴഞ്ഞുവരുന്ന മൂർഖനെയാണ്. ഇതിനിടയിൽ പാമ്പ് വീണ്ടും താഴേക്ക് വീണു. അവിടെ നിന്ന് കയർ ഉപയോഗിച്ചാണ് മൂർഖനെ എടുത്തത്.

അപ്പോഴേക്കും അടുത്ത കോൾ എത്തി. വള്ളക്കടവിന് അടുത്ത് ആക്രിസാധനങ്ങൾ ശേഖരിച്ചുവച്ചിരിക്കുന്ന സ്ഥലത്ത് ഒരു വലിയ മൂർഖൻ പാമ്പിനെ കണ്ടു എന്നാണ് വിളിച്ചയാൾ പറഞ്ഞത്. പേടിച്ച് തൊഴിലാളികൾ പണി നിർത്തിവച്ചു. പിന്നാലെ വാവയും സംഘവും വള്ളക്കടവിൽ എത്തി. കാണുക, ചട്ട പൊഴിക്കാറായ രണ്ട് മൂർഖൻ പാമ്പുകളെ പിടികൂടിയ വിശേഷങ്ങളുമായി എത്തിയ സ്നേക്ക് മാസ്റ്ററിന്റെ ഈ എപ്പിസോഡ്.