ബാങ്കുകളിലെ സ്ഥിരനിക്ഷേപങ്ങൾക്ക് പുതിയ നിയമം; മാറ്റം ഒക്‌ടോബർ ഒന്നുമുതൽ, ഇക്കാര്യങ്ങൾ അറിയാതെ പോകരുത്

ന്യൂഡൽഹി: ബാങ്കുകളിൽ വലിയ തുകകൾ നിക്ഷേപിക്കാൻ പദ്ധതിയിടുന്നവരാണോ? എങ്കിൽ ഒക്‌ടോബർ ഒന്നുമുതൽ ബാങ്കിന്റെ വെബ്‌സൈറ്റ് പരിശോധിക്കുന്നത് പ്രധാനമാണ്. വലിയ തുകയിലുള്ള സ്ഥിരനിക്ഷേപങ്ങളുടെ പലിശനിരക്ക് സംബന്ധിച്ച വിവരങ്ങൾ കൂടുതൽ സുതാര്യമാക്കുന്നതിനായി പുതിയ വ്യവസ്ഥകൾ കൊണ്ടുവന്നിരിക്കുകയാണ് റിസർവ് ബാങ്ക് ഒഫ് ഇന്ത്യ.

പുതിയ ചട്ടപ്രകാരം. ബൾക്ക് ഡെപ്പോസിറ്റുകൾക്ക് നൽകുന്ന പലിശനിരക്കുകൾ എല്ലാദിവസവും ബാങ്കുകൾ അവരുടെ വെബ്‌സൈറ്റുകളിൽ പ്രസിദ്ധീകരിക്കണം. എല്ലാദിവസവും 10 മണിക്ക് മുൻപായി നിരക്ക് പ്രസിദ്ധീകരിക്കണമെന്നാണ് പുതിയ വ്യവസ്ഥ. പിന്നീട് ഈ നിരക്കിൽ മാറ്റം വരുത്തേണ്ട സാഹചര്യം ഉണ്ടെങ്കിൽ 10 മിനിറ്റുവരെ സമയപരിധിയും അനുവദിച്ചിട്ടുണ്ട്.

എന്താണ് ബൾക്ക് ഡെപോസിറ്റ്?

ഷെഡ്യൂൾഡ് കൊമേഴ്‌ഷ്യൽ ബാങ്കുകളിലെ മൂന്ന് കോടിയിലധികം വരുന്ന ടേം ഡെപ്പോസിറ്റുകളെയാണ് പൊതുവെ ബൾക്ക് ഡെപ്പോസിറ്റുകളായി കണക്കാക്കുന്നത്. ഇത്രയും വലിയ തുക നിക്ഷേപിക്കാൻ ആഗ്രഹിക്കുന്നയാൾക്ക് ഒക്‌ടോബർ ഒന്നുമുതൽ ബാങ്കിന്റെ വെബ്‌സൈറ്റിൽ കയറി അന്നത്തെ പലിശനിരക്ക് പരിശോധിക്കാം. അതായത്, ആദ്യം നിരക്ക് അറിഞ്ഞതിനുശേഷം പണം നിക്ഷേപിക്കണോയെന്ന് തീരുമാനിക്കാം. ഇത് വിവിധ ബാങ്കുകളിലെ പലിശനിരക്കുകൾ തമ്മിൽ താരതമ്യം ചെയ്യാൻ നിക്ഷേപകനെ സഹായിക്കും. ചെറിയ തുകകൾ നിക്ഷേപിക്കുന്നവർക്ക് ഈ മാറ്റം ബാധകമായിരിക്കില്ല.

ബൾക്ക് നിക്ഷേപകർ ശ്രദ്ധിക്കേണ്ടത് ഈ മൂന്ന് കാര്യങ്ങൾ?