കൈനകരിയിൽ കാരിച്ചാൽ

കുട്ടനാട് : സി.ബി.എൽ സീസൺ 4ൽ കൈനകരി പമ്പയാറ്റിൽ നടന്ന അത്യന്തം വാശിയേറിയ മത്സരത്തിൽ പള്ളാത്തുരുത്തി ബോട്ട് ക്ലബ് തുഴഞ്ഞ കാരിച്ചാൽ ചുണ്ടൻ ഒന്നാമതെത്തി​. ഇഞ്ചോടിഞ്ച് നടന്ന പോരാട്ടത്തിൽ വില്ലേജ് ബോട്ട് ക്ലബ് കൈനകരി തുഴഞ്ഞ വീയപുരം ചുണ്ടനെ ഏതാനും തുഴപ്പാടുകൾക്കാണ് പരാജയപ്പെടുത്തി​യത്. അവസാന അഞ്ചു മീറ്ററിലായി​രുന്നു പള്ളാത്തുരുത്തിയുടെ കുതി​പ്പ് . സമയം 3.57.51 മിനിറ്റ്. 3.58.42 മിനിറ്റിലാണ് വീയപുരം ഫി​നി​ഷ് ചെയ്തത്.

ഹീറ്റ്സ് മത്സരങ്ങളിലെ മികച്ച സമയത്തിന്റെ അടിസ്ഥാനത്തിൽ കാരിച്ചാലിനും വീയപുരത്തിനും പുറമെ യു.ബി.സി കൈനകരി തുഴഞ്ഞ തലവടി ചുണ്ടനുമാണ് ഫൈനലിൽ ഏറ്റുമുട്ടിയത്. നടുഭാഗം (4.01.63 മി​നി​ട്ട് ) മൂന്നാമതെത്തി. നിരണം (നിരണം ബോട്ട് ക്ലബ്) , നടുഭാഗം (കുമരകം ടൗൺബോട്ട് ക്ലബ്) , മേൽപ്പാടം ( കുമരകംബോട്ട് ക്ലബ്) , പായിപ്പാട് ( ആലപ്പുഴ ടൗൺ ബോട്ട് ക്ലബ്), ചമ്പക്കുളം (പുന്നമട ബോട്ട് ക്ലബ്), ആയാപറമ്പ് വലിയദിവാൻജി (ചങ്ങനാശ്ശേരി ബോട്ട് ക്ലബ്) എന്നിവയാണ് മത്സരി​ച്ച മറ്റ് വള്ളങ്ങൾ.

മന്ത്രി പി.പ്രസാദ് മത്സരം ഉദ്ഘാടനം ചെയ്തു. ജില്ലാ കളക്ടർ അലക്സ് വർഗ്ഗീസ് , സി​.കെ.സദാശി​വൻ തദ്ദേശ സ്വയംഭരണ സ്ഥാപനങ്ങളിലെ പ്രതിനിധികൾ, ടൂറിസം വകുപ്പ് ഉദ്യോഗസ്ഥർ, സി.ബി.എൽ ഭരണ സമിതി അംഗങ്ങൾ തുടങ്ങിയവർ പങ്കെടുത്തു.