പ്രതിഷേധദിനം ആചരിക്കും

ആലപ്പുഴ : കേരളത്തിലെ ഭിന്നശേഷി ജീവനക്കാർ ഉന്നയിച്ചു വരുന്ന വിവിധവിഷയങ്ങളിൽ സർക്കാർ സംവിധാനം യാതൊരുവിധ തുടർനടപടികളും സ്വീകരിക്കാത്തതിനായ ലോക ഭിന്നശേഷി ദിനാചരണമായ ഡിസംബർ 3 സംസ്ഥാന വ്യാപകമായി പ്രതിഷേധ ദിനമായി ആചരിക്കാൻ ഡിഫറന്റ്ലി ഏബിൾഡ് എംപ്ലോയീസ് അസോസിയേഷൻ തീരുമാനിച്ചു. സംസ്ഥാന തലത്തിലും ജില്ലാ ആസ്ഥാനങ്ങളിലും വിവിധ പ്രതിഷേധ പരിപാടികൾ സംഘടിപ്പിക്കുമെന്നും സർക്കാർ തലത്തിൽ നടത്തപ്പെടുന്ന പരിപാടികളിൽ നിന്ന് വിട്ടു നിൽക്കുമെന്നും അസോസിയേഷൻ ജനറൽ സെക്രട്ടറി ടി.കെ.ബിജു അറിയിച്ചു.