ഹൈമാസ്റ്റ് ലൈറ്റ് സ്ഥാപിച്ചു

ആലപ്പുഴ: നഗരസഭ വാർഷിക പദ്ധതിയിൽ ഉൾപ്പെടുത്തി കെ.എസ്.ആർ.ടി.സി ബസ് സ്റ്റാൻഡിനു സമീപം സ്ഥാപിച്ച ഹൈമാസ്റ്റ് ലൈറ്റിന്റെ ഉദ്ഘാടനം നഗരസഭാദ്ധ്യക്ഷ കെ.കെ.ജയമ്മ നിർവ്വഹിച്ചു. കൗൺസിലർ എം.ജി.സതീദേവി അദ്ധ്യക്ഷത വഹിച്ച ചടങ്ങിൽ പൊതുമരാമത്ത് സ്ഥിരം സമിതി അദ്ധ്യക്ഷൻ എം.ആർ.പ്രേം മുഖ്യപ്രഭാഷണം നടത്തി. സ്ഥിരംസമിതി അദ്ധ്യക്ഷരായ എ.എസ്.കവിത, ആർ.വിനിത, കെ.എസ്.ആർ.ടി.സി ഇൻസ്‌പെക്ടർ രഞ്ജിത്ത്, തുടങ്ങിയവർ സംസാരിച്ചു. കെ.എസ്.ആർ.ടി.സി യൂണിയൻ ഭാരവാഹികൾ, ഓട്ടോറിക്ഷ തൊഴിലാളികൾ, പ്രദേശവാസികൾ അടക്കം നിരവധിപേർ ചടങ്ങിൽ പങ്കെടുത്തു.