ആശാസമരത്തിന് ഐക്യദാർഢ്യം

കായംകുളം: കേരള ആശാ ഹെൽത്ത് വർക്കേഴ്സ് അസോസിയേഷന്റെ നേതൃത്വത്തിൽ സെക്രട്ടറിയേറ്റിന് മുന്നിൽ നടന്നുവരുന്ന അനിശ്ചിതകാല രാപ്പകൽ സമരത്തിനെ പിന്തുണച്ചുകൊണ്ട് ജനകീയ പ്രതിരോധ സമിതി കായംകുളം മേഖല കമ്മിറ്റിയുടെ ആഭിമുഖ്യത്തിൽ ആശാ ഐക്യദാർഢ്യറാലിയും സമ്മേളനവും സംഘടിപ്പിച്ചു. സമിതി ജില്ലാ പ്രസിഡന്റ് ബി.ദിലീപൻ ഉദ്ഘാടനം ചെയ്തു.മേഖല പ്രസിഡന്റ് അഡ്വ.ഒ.ഹാരിസ് അദ്ധ്യക്ഷത വഹിച്ചു.ആശാ പ്രവർത്തകരുടെ ഓണറേറിയം വർദ്ധനയും വിരമിക്കൽ ആനുകൂല്യവും പെൻഷനും ഉടൻ പ്രഖ്യാപിച്ചു കൊണ്ട് സമരം വേഗം ഒത്തുതീർപ്പാക്കണമെന്ന് ഐക്യദാർഢ്യ സമ്മേളനം സർക്കാരിനോട് ആവശ്യപ്പെട്ടു.