നോവൽ പ്രകാശനം

മുഹമ്മ: ദീപു കാട്ടൂർ എഴുതിയ റെഡ് ഡേറ്റാ ബുക്ക് എന്ന നോവൽ പ്രകാശനം എഴുത്തുകാരൻ പി.ജെ.ജെ. ആന്റണി നിർവ്വഹിച്ചു. നടൻ അഭയൻ കലവൂർ ആദ്യകോപ്പി ഏറ്റുവാങ്ങി. ചടങ്ങിൽ പുരോഗമന കലാസാഹിത്യ സംഘം ജില്ലാ വൈസ് പ്രസിഡന്റ് സി.കെ.എസ് പണിക്കർ അദ്ധ്യക്ഷത വഹിച്ചു. ഡോ.സുനിൽ മർക്കോസ് പുസ്തകം പരിചയപ്പെടുത്തി. ദീപു കാട്ടൂരിന്റെ കഥാസമാഹാരമായ മണപ്പാറ കനവുകളുടെ ആസ്വാദനം ബി. ജോസുകുട്ടി നിർവ്വഹിച്ചു. ആലപ്പി രമണൻ, ചലച്ചിത്രനടൻ കേണൽ ആന്റണി, കെ.വിജയകുമാർ എന്നിവർ സംസാരിച്ചു. കൺവീനർ ജയൻ തോമസ് സ്വാഗതവും ഉമാശങ്കർ നന്ദിയും പറഞ്ഞു.