കൈയക്ഷരത്തിന് സമ്മാനം

ആലപ്പുഴ: ആലപ്പുഴ ബീച്ചിൽ നടക്കുന്ന എന്റെ കേരളം പ്രദർശന വിപണനമേളയിലെ സാക്ഷരതാമിഷന്റെ സ്റ്റാളിൽ (നമ്പർ 117) കൈയെഴുത്ത് മത്സരം നടക്കുന്നു. എല്ലാ ദിവസവും നല്ല കൈയക്ഷരമുള്ള ഒരാൾക്ക് സമ്മാനം നൽകും.രാവിലെ 10 മുതൽ രാത്രി 8 വരെയാണ് മത്സരം. വിദഗ്ദ്ധസമിതിയുടെ പരിശോധനയ്ക്ക് ശേഷം അടുത്ത ദിവസം രാവിലെ വിജയിയെ പ്രഖ്യാപിക്കും. സമാപന സമ്മേളനത്തിൽ സമ്മാനങ്ങൾ വിതരണം ചെയ്യും. നവകേരളം പുതുവഴികൾ, നവകേരളത്തിന് പുതുസാക്ഷരത എന്ന വാചകമാണ് എഴുതേണ്ടത്. മത്സരാർത്ഥിയുടെ കോഡ് നമ്പർ മാത്രം പേപ്പറിൽ എഴുതിയാൽ മതിയാവും.