പ്രവർത്തക സംഗമം

മുഹമ്മ: സമസ്ത നൂറാം വാർഷിക അന്താരാഷ്ട്ര മഹാസമ്മേളനത്തിന്റെ പ്രചരണാർത്ഥം മണ്ണഞ്ചേരി കിഴക്കേ മഹല്ല് മേഖല സംഘടിപ്പിച്ച പ്രവർത്തക സംഗമം പാണക്കാട് സയ്യിദ് മുഈനലി ശിഹാബ് തങ്ങൾ ഉദ്ഘാടനം ചെയ്തു. സംഘാടക സമിതി ചെയർമാൻ അഷ്റഫ് പനക്കൽ അധ്യക്ഷത വഹിച്ചു. സയ്യിദ് ത്വാഹ ജിഫ്‌രി തങ്ങൾ ഫൈസി പ്രാർത്ഥനയും, ടി.എച്ച്. ജഅ്ഫർ മൗലവി അൽ ഹാകിമി ആമുഖ പ്രഭാഷണവും, സുൽഫിക്കർ റഹ്‌മാനി കോതമംഗലം മുഖ്യപ്രഭാഷണവും നിർവഹിച്ചു. ജനറൽ കൺവീനർ ഒ.എം.എ. റഷീദ് ഊരാളിവീട് സ്വാഗതം പറഞ്ഞു.