ഇരട്ടിപ്പിക്കലിന് അനുമതി

ആലപ്പുഴ: ആലപ്പുഴ വഴിയുള്ള റെയിൽപ്പാതയിൽ തുറവൂർ - മാരാരിക്കുളം(21.10 കി.മീ) ഭാഗം ഇരട്ടിപ്പിക്കാൻ റെയിൽവേ 450.59 കോടി രൂപയുടെ പദ്ധതിക്ക് അനുമതിനൽകി.കേന്ദ്ര ബഡ്‌ജറ്റിൽ ആലപ്പുഴ- അമ്പലപ്പുഴ റെയിൽപ്പാത ഇരട്ടിപ്പിക്കാൻ 324.16 കോടി വകയിരുത്തിയിരുന്നു.

തുറവൂർ - മാരാരിക്കുളം പാത ഇരട്ടിപ്പിക്കുന്നതോടെ പ്രതിദിനം ഒമ്പത് പാസഞ്ചർ ട്രെയിനുകൾ കൂടുതലായി സർവീസ് നടത്താനാകും. ഇതുവഴിയുള്ള ചരക്കു ഗതാഗതം പ്രതിവർഷം ഏകദേശം 2.88 ദശലക്ഷമായി വർദ്ധിക്കും.ചരക്ക് ട്രെയിനുകൾക്ക് 19 മിനിട്ട് വരെയും പാസഞ്ചർ ട്രെയിനുകൾക്ക് 15 മിനിട്ട് വരെയും ലാഭമുണ്ടാകും.