എസ്.ഡി.സി ഗ്രൗണ്ടിൽ ക്രിക്കറ്റ് ക്യാമ്പ്

ആലപ്പുഴ: കേരള ക്രിക്കറ്റ് അസോസിയേഷന്റെ ആഭിമുഖ്യത്തിൽ നടത്തുന്ന അണ്ടർ-​16 താരങ്ങളുടെ ഹൈപെർഫോമൻസ് സ്‌പെഷ്യലിസ്റ്റ് ആൻഡ് അസസ്‌മെന്റ് ക്യാമ്പ് എസ്.ഡി കോളേജ് ഗ്രൗണ്ടിൽ പുരോഗമിക്കുന്നു. കേരളത്തിന്റെ വിവിധ ഭാഗങ്ങളിൽ നിന്ന് തിരഞ്ഞെടുക്കപ്പെട്ട 25 യുവതാരങ്ങളാണ് പ്രത്യേക പരിശീലന ക്യാമ്പിൽ പങ്കെടുക്കുന്നത്. 24​ന് ആരംഭിച്ച ക്യാമ്പ് 31 വരെ നീണ്ടുനിൽക്കും. മുൻ ഇന്ത്യൻ 'എ' ടീം ഫീൽഡിംഗ് കോച്ചായ മസർ മൊയ്തുവിന്റെ നേതൃത്വത്തിലാണ് പരിശീലനം.

എട്ട് ദിവസം നീണ്ടുനിൽക്കുന്ന ക്യാമ്പിലൂടെ താരങ്ങളുടെ ശാരീരികക്ഷമതയും സാങ്കേതിക മികവും കൃത്യമായി വിലയിരുത്തുകയാണ് കേരള ക്രിക്കറ്റ് അസോസിയേഷൻ പ്രധാനമായും ലക്ഷ്യമിടുന്നത്.