ലിറ്റിൽ കൈറ്റ്സ് പ്രിലിമിനറി ക്യാമ്പ്

മാന്നാർ: ആധുനിക കാലഘട്ടത്തിൽ ഐ.ടിയുടെ പ്രാധാന്യം വിളിച്ചോതി, നായർ സമാജം ബോയ്സ് ഹയർ സെക്കൻഡറി സ്കൂൾ ലിറ്റിൽ കൈറ്റ്സ് യൂണിറ്റിന്റെ നേതൃത്വത്തിൽ
ലിറ്റിൽ കൈറ്റ്സ് ഐ.ടി ക്ലബ്ബ് എട്ടാം ക്ലാസിന്റെ പ്രിലിമിനറി ക്യാമ്പ് നടന്നു. മാന്നാർ ഗവ.എൽ.പി സ്കൂൾ പ്രഥമാദ്ധ്യാപിക എസ്.മറിയാമ്മ ഉദ്ഘാടനം ചെയ്തു. ലിറ്റിൽ കൈറ്റ്സ് ജില്ല മാസ്റ്റർ ട്രെയിനർ വിഷ്ണു ക്ലാസ് നയിച്ചു. സീനിയർ അദ്ധ്യാപകൻ പി.രാജകുമാർ, സ്കൂൾ ഐ.ടി കോഡിനേറ്റർ, പ്രതിഭാ നാരായണൻ, കൈറ്റ് മെന്റർമാരായ എൻ.മാധവൻ നമ്പൂതിരി, നിഷാ എൻ.പിള്ള എന്നിവർ സംസാരിച്ചു.