മെഡി.കോളേജ് ആശുപത്രി വളപ്പിൽ കഞ്ചാവ് ചെടികൾ കണ്ടെത്തി

അമ്പലപ്പുഴ: ആലപ്പുഴ മെഡിക്കൽ കോളേജ് ആശുപത്രി വളപ്പിൽ നിന്ന് കഞ്ചാവ് ചെടികൾ പൊലീസ് കണ്ടെടുത്തു. അഞ്ചു മുതൽ ആറ് ആഴ്ചകൾ വരെ വളർച്ചയെത്തിയ രണ്ട് കഞ്ചാവ് ചെടികളാണ് ജില്ലാ പൊലീസ് മേധാവിയുടെ നേതൃത്വത്തിലുള്ള ഡാൻസാഫ് സംഘം പിടികൂടിയത്. ആശുപത്രി സൂപ്പർ സ്പെഷ്യാലിറ്റി ബ്ലോക്കിന് സമീപത്തെ ജനറേറ്റർ റൂമിനോട് ചേർന്നാണ് ചെടികൾ കണ്ടത്. എസ്. ഐ മാരായ എം. എസ്. അഭയ്ചന്ദ്, എസ് .ജെ. രഞ്ജിത്ത് എന്നിവർ ഉൾപ്പെട്ട സംഘത്തിന് ലഭിച്ച രഹസ്യസന്ദേശത്തിന്റെ അടിസ്ഥാനത്തിൽ നടത്തിയ പരിശോധയിലാണ് ചെടികൾ കണ്ടെത്തിയത്. അന്വേഷണം ആരംഭിച്ചതായി പൊലീസ് പറഞ്ഞു.