ആർമി ടവർ പൊളിക്കൽ: പ്രതിസന്ധി രൂക്ഷമാകുന്നു

കൊച്ചി: വൈറ്റില സിൽവർ സാൻഡ് ഐലൻഡിലെ ചന്ദേർകുഞ്ജ് ആർമി ടവർ പൊളിക്കലിൽ ജില്ലാ കളക്ടർക്കെതിരെ നാല് ഫ്ളാറ്റുടമകൾ രംഗത്ത്. ഹൈക്കോടതി ഉത്തരവ് ലംഘിച്ച് സ്വീകരിക്കുന്ന നടപടികൾക്ക് നിയമസാധുതയില്ലെന്ന് വ്യക്തമാക്കി ഇവർ ജില്ലാ കളക്ടർക്കും പൊളിക്കാൻ യോഗ്യത നേടിയ എഡിഫൈസ് എൻജിനിയറിംഗ്എന്ന കമ്പനിക്കും മറ്റും കത്തു നൽകി. ഇതോടെ ഫ്ളാറ്റുടമകൾക്കിടയിലെ രൂക്ഷമായ ഭിന്നതയും പുറത്തുവന്നു.

ഹൈക്കോടതി ഉത്തരവ് പ്രകാരം ജില്ലാ കളക്ടർ അദ്ധ്യക്ഷയായ കമ്മറ്റിക്കാണ് രണ്ട് ടവറുകളിലെയും താമസക്കാരെ ഒഴിപ്പിച്ച് പൊളിച്ച് മാറ്റി പുനർനിർമ്മിക്കാനുള്ള ചുമതല. എന്നാൽ, ജില്ലാ കളക്ടറോ കമ്മി​റ്റി​യോ ഇതുസംബന്ധിച്ച് കരാറുകളിൽ കക്ഷിയാകാതെ കരസേനയുടെ നിയന്ത്രണത്തി​ലുള്ള നിർമ്മാണകമ്പനിയായ ആർമി വെൽഫെയർ ഹൗസിംഗ് ഓർഗനൈസേഷന് (എ.ഡബ്‌ള്യു.എച്ച്.ഒ.) സൗകര്യമൊരുക്കുകയാണെന്നാണ് കത്തിലെ പരാതി.

കെട്ടിടം പൊളിക്കാനുള്ള ടെണ്ടർ നടപടികൾ കളക്ടർ അദ്ധ്യക്ഷയായ കമ്മറ്റിയാണ് സ്വീകരിച്ചത്. എന്നാൽ ഇതു സംബന്ധിച്ച കരാറിൽ എ.ഡബ്‌ള്യു.എച്ച്.ഒയും ചന്ദേർകുഞ്ജ് റെസിഡന്റ്സ് വെൽഫെയർ അസോസിയേഷനും പ്രോജക്ട് മാനേജ്മെന്റ് ഏജൻസിയും ഒപ്പു വച്ചാൽ മതിയെന്നാണ് ഫെബ്രുവരി​ 11ന് ചേർന്ന സമി​തി​യുടെ തീരുമാനം. മേജർ പ്രിൻസ് ജോസ്(റി​ട്ട.), വാറണ്ട് ഓഫീസർ മോസസ് ഹെൻട്രി​ മോത, ക്യാപ്ടൻ പോൾ എരി​ഞ്ഞേരി​ (റി​ട്ട.), കേണൽ സി​ബി​ ജോർജ്ജ് (റി​ട്ട.) എന്നി​വരാണ് കത്തി​ൽ ഒപ്പുവച്ചി​ട്ടുളളത്.

കത്തിൽ പറയുന്നത്

• ഹൈക്കോടതി​ രൂപീകരി​ച്ച പുനർനി​ർമ്മാണ കമ്മി​റ്റി​ ഉൾപ്പെടാത്ത ഒരു കരാറി​നും നി​യമസാധുതയി​ല്ല.

• ഇക്കാര്യം സംബന്ധി​ച്ച് സുപ്രീം കോടതി​യി​ൽ ഫ്ളാറ്റുടമയുടെ കേസ് നി​ലവി​ലുണ്ട്

• ആർമി​ ടവർ പ്രശ്നത്തി​ൽ എ.ഡബ്‌ള്യു.എച്ച്.ഒയും റെസി​ഡന്റ്സ് അസോസി​യേഷനും എതി​രെ നി​രവധി​ ക്രി​മി​നൽ കേസുകളുണ്ട്.

• പൊളി​ക്കൽ ടെണ്ടർ വി​ളി​ച്ച കമ്മി​റ്റി​ കരാറി​ൽ ഒപ്പുവയ്ക്കാത്തത് ദുരൂഹം

250 കോടി​യുടെ വി​നി​യോഗം

250 കോടി​യാണ് പുനർനി​ർമ്മാണ ചെലവ്. ഇത് വഹി​ക്കേണ്ടത് എ.ഡബ്‌ള്യു.എച്ച്.ഒയാണ്. ജി​ല്ലാ കളക്ടർ ആവശ്യപ്പെടുന്നതനുസരി​ച്ചുള്ള തുകകൾ കമ്മി​റ്റി​യുടെ പ്രത്യേക അക്കൗണ്ടി​ലേക്ക് നൽകണം. 29 നി​ലയുള്ള രണ്ടു ടവറുകൾ നി​ർമ്മി​ച്ച് ആറാം വർഷം പൊളി​ക്കേണ്ടി​ വന്നത് തന്നെ വൻ അഴി​മതി​യായി​രുന്നു.

ടവറുകൾ പൊളി​ക്കൽ കാര്യത്തി​ൽ നടപടി​യൊന്നും ആയി​ട്ടി​ല്ല. പി​ന്നീട് പ്രതി​കരി​ക്കാം.

ജി​ഗാർ ഛെദ്ദ,

എഡി​ഫൈസ് എൻജി​നി​യറിംഗ്

ജൂൺ 9ന് കളക്ടറുടെ അദ്ധ്യക്ഷതയിൽ ചേരുന്ന യോഗത്തിലാണ് അന്തിമ തീരുമാനം. ഫ്ളാറ്റ് ഉടമകളുടെ താത്പര്യം സംരക്ഷിക്കും

സജി തോമസ്,

പ്രസിഡന്റ്,

റെസിഡന്റ്സ് വെൽഫയർ അസോസിയേഷൻ