കൊച്ചി​ നഗരസഭാ പരി​ധി​യി​ൽ തെരുവുനായ്ക്കളുടെ വി​ളയാട്ടം

മട്ടാഞ്ചേരി​:​ ​ന​ഗ​ര​സ​ഭാ​ ​പ​രി​ധി​യി​ൽ​ ​തെ​രു​വു​നാ​യ്ക്ക​ളു​ടെ​ ​ആ​ക്ര​മ​ണം​ ​വ​ർ​ദ്ധി​ക്കു​ന്ന​തി​ൽ വി​വി​ധ സംഘടനകൾ​ ​പ്ര​തി​ഷേ​ധി​ച്ചു. ​കൊ​ച്ചി​ ​കോ​ർ​പ്പ​റേ​ഷ​ൻ​ ​ഭ​ര​ണ​സ​മി​തി​ക്കെ​തി​രെ​ ​ആം​ ​ആ​ദ്മി​ ​പാ​ർ​ട്ടി​യാണ് ​രം​ഗത്തി​റങ്ങി​യി​രി​ക്കുന്നത്.​ ​വ​ന്ധ്യം​ക​ര​ണ​ ​പ​ദ്ധ​തി​ക​ൾ​ ​കാ​ര്യ​ക്ഷ​മ​മാ​ക്കാ​ത്ത​ ​ഭ​ര​ണ​സ​മി​തി​ ​പൂ​ർ​ണ​പ​രാ​ജ​യ​മാ​ണെ​ന്നും​ ​വി​ദ്യാ​ർ​ത്ഥി​ക​ൾ​ ​ഉ​ൾ​പ്പെ​ടെ​ ​ജ​ന​ങ്ങ​ൾ​ ​വീ​ടി​ന് ​പു​റ​ത്തി​റ​ങ്ങാ​നാ​കാ​തെ​ ​ക​ടു​ത്ത​ ​ഭീ​തി​യി​ലാ​ണെ​ന്നും​ ​പാ​ർ​ട്ടി​ ​കു​റ്റ​പ്പെ​ടു​ത്തി.​ ​മറ്റ് സംഘടനകളും പ്രതി​ഷേധവുമായി​ രംഗത്തുണ്ട്.

നഗരസഭയുടെ എ.ബി.സി പദ്ധതി നിലവിൽ പാതിവഴിയിലാണ്. ആവശ്യത്തിന് ഡോക്ടർമാരോ പരിശീലനം സിദ്ധിച്ച ഡോഗ് ക്യാച്ചർമാരോ ഇല്ലാത്തതാണ് പദ്ധതി പ്രതിസന്ധിയിലാകാൻ കാരണം. കഴിഞ്ഞ മാർച്ച് 1ന് ബ്രഹ്മപുരത്ത് ആയിരത്തോളം നായകളെ പുനരധിവസിപ്പിക്കാൻ ഡോഗ് ഷെൽട്ടർ നിർമ്മാണം ഭരണസമിതി പ്രഖ്യാപിച്ചിരുന്നു. എന്നാൽ മാസങ്ങൾ കഴിഞ്ഞിട്ടും ഡിസൈൻ മത്സര പ്രഖ്യാപനത്തിനപ്പുറം നിർമ്മാണത്തിൽ പുരോഗതിയില്ല.

പശ്ചിമകൊച്ചി ഉൾപ്പെടെയുള്ള ഭാഗങ്ങളിൽ നായകളെ പിടികൂടാൻ നടപടിയില്ലാത്തതിനാൽ മുഖ്യമന്ത്രി, തദ്ദേശ സ്വയംഭരണവകുപ്പ് മന്ത്രി എന്നിവർക്ക് വീണ്ടും നിവേദനം നൽകിയതായി ആം ആദ്മി പാർട്ടി അറിയിച്ചു.

* ആവശ്യങ്ങൾ

* എ.ബി.സി പദ്ധതി ഊർജ്ജിതമാക്കാൻ കൂടുതൽ താത്കാലിക ഡോക്ടർമാരെയും ഡോഗ് ക്യാച്ചർമാരെയും നിയോഗിക്കുക

* ബ്രഹ്മപുരം ഡോഗ് ഷെൽട്ടർ നിർമ്മാണം യുദ്ധകാലാടിസ്ഥാനത്തിൽ പൂർത്തിയാക്കുക, സ്കൂൾ പരിസരങ്ങളിലും മെട്രോ സ്റ്റേഷനുകളിലും നൈറ്റ് സ്ക്വാഡ് പരിശോധന ഉറപ്പാക്കുക

തെരുവുനായ ശല്യത്തിന് ശാശ്വതപരിഹാരമില്ലെങ്കിൽ നഗരസഭാ ഓഫീസ് ഉപരോധം ഉൾപ്പെടെയുള്ള ശക്തമായ ജനകീയ പ്രക്ഷോഭങ്ങൾക്ക് നേതൃത്വം നൽകും. കൗൺസിലർമാർ നഗരത്തിലെ ദുരവസ്ഥ സമ്മതിക്കുമ്പോഴും അധികൃതർ പരിഹാര നടപടികൾ വൈകിപ്പിക്കുകയാണ്.

ഷക്കീർ അലി, സെക്രട്ടറി