കർഷക ദിനാഘോഷം സംഘാടക സമിതി

പാനൂർ: പാനൂർ നഗരസഭയുടെയും പെരിങ്ങളം കൃഷിഭവന്റെയും നേതൃത്വത്തിൽ കർഷക ദിനാഘോഷം 17ന് വൈകിട്ട് 3.30ന് പുല്ലൂക്കര മുസ്ലിം എൽ.പി സ്‌കൂളിൽ നടക്കും. പി.കെ പ്രവീൺ എം.എൽ.എ ഉദ്ഘാടനം ചെയ്യും. നഗരസഭ അദ്ധ്യക്ഷ നൗഷത്ത് കൂടത്തിൽ അദ്ധ്യക്ഷത വഹിക്കും. ആഘോഷത്തിന്റെ ഭാഗമായി പെരിങ്ങളം കൃഷിഭവൻ പരിധിയിലെ മികച്ച കർഷകരെ വിവിധ വിഭാഗങ്ങളിലായി ആദരിക്കും. കർഷക ദിനാഘോഷത്തിന്റെ വിജയകരമായ നടത്തിപ്പിനായി പെരിങ്ങളം കൃഷിഭവൻ ഹാളിൽ ചേർന്ന യോഗത്തിൽ പൊതുസംഘാടക സമിതി രൂപീകരിച്ചു. നഗരസഭ അദ്ധ്യക്ഷ നൗഷത്ത് കൂടത്തിൽ യോഗം ഉദ്ഘാടനം ചെയ്തു. കൗൺസിലർ എൻ.പി. മുനീർ അദ്ധ്യക്ഷത വഹിച്ചു. കെ.കെ വിജയൻ, അജീഷ്, കെ. ദാസൻ, ബാലൻ, ഇ.എ നാസർ, പി.പി രാമചന്ദ്രൻ എന്നിവർ സംസാരിച്ചു. കൃഷി ഓഫീസർ ആതിര സ്വാഗതവും കൃഷി അസിസ്റ്റന്റ് പ്രയാഗ് നന്ദിയും പറഞ്ഞു.