യുവതി​യെ ശല്യം ചെയ്ത കൗമാരക്കാരൻ പി​ടി​യി​ൽ

കൊല്ലം: നടന്നുപോവുകയായിരുന്ന യുവതി​യെ ശല്യം ചെയ്ത കേസിൽ 17കാരൻ പി​ടി​യി​ൽ. കഴിഞ്ഞ എട്ടി​ന് വൈകിട്ട് പാരിപ്പള്ളിയിലെ വസ്ത്രവ്യാപാര കേന്ദ്രത്തിൽ നിന്ന് ഷോപ്പിംഗ് കഴിഞ്ഞ് വീട്ടിലേക്ക് മടങ്ങുകയായിരുന്ന 22കാരി​യെ ആണ് ആളൊഴിഞ്ഞ സ്ഥലത്ത് വെച്ച് ശല്യം ചെയ്തത്. പാരിപ്പള്ളി ദേശീയപാതയ്ക്ക് സമീപം വഴിവിളക്കുകൾ ഇല്ലാത്ത ഇരുളടഞ്ഞ ഭാഗത്തായിരുന്നു സംഭവം.

യുവതി​യുടെ പരാതിയിൽ പോലീസ് പ്രദേശത്തെ സി.സി ടി.വി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിനൊടുവിലാണ് കഴിഞ്ഞ ദിവസം പ്രതി​യെ തിരിച്ചറിഞ്ഞത്. ജുവൈനൽ ജസ്റ്റിസ് ബോർഡിന് മുന്നിൽ ഹാജരാക്കുമെന്ന് പാരിപ്പള്ളി പൊലീസ് പറഞ്ഞു.