ലോട്ടറി ഐ.എൻ.ടി.യു.സി സംസ്ഥാന ക്യാമ്പ് നാളെ

കൊല്ലം: ഓൾ കേരള ലോട്ടറി ഏജന്റ്സ് ആൻഡ് സെല്ലേഴ്സ് കോൺഗ്രസ് ഐ.എൻ.ടി.യു.സി സംസ്ഥാന നേതൃത്വ ക്യാമ്പ് നാളെ കൊല്ലം ലയൺസ് ഹാളിൽ രാവിലെ 9 മുതൽ വൈകിട്ട് 5 വരെയാണ് നടക്കും. രാവിലെ 10ന് ഐ.എൻ.ടി.യു.സി സംസ്ഥാന പ്രസിഡന്റ് ആർ.ചന്ദ്രശേഖരൻ ക്യാമ്പ് ഉദ്ഘാടനം ചെയ്യും. സമാപന സമ്മേളനം വൈകിട്ട് 5ന് കെ.പി.സി.സി രാഷ്ട്രീയകാര്യ സമിതിയംഗം ജോസഫ് വാഴയ്ക്കൻ എക്സ്. എം.എൽ.എ ഉദ്ഘാടനം ചെയ്യും. യൂണിയൻ സംസ്ഥാന പ്രസിഡന്റ് ഫിലിപ്പ് ജോസഫ് ആദ്ധ്യക്ഷനാകും. സി.ആർ.മഹേഷ് എം.എൽ.എ, ഡി.സി.സി പ്രസിഡന്റ് പി.രാജേന്ദ്രപ്രസാദ്, കൊല്ലം മേയർ എ.കെ.ഹഫീസ്, യു.ഡി.എഫ് ജില്ലാ ചെയർമാൻ കെ.സി.രാജൻ തുടങ്ങിയവർ സംസാരിക്കും.