ഫാത്തിമയിൽ ഇൻഡക്ഷൻ പ്രോഗ്രാം നാളെ

കൊല്ലം: ശ്രീനാരായണഗുരു ഓപ്പൺ യൂണിവേഴ്സിറ്റിയുടെ ഫാത്തിമമാത നാഷണൽ കോളേജ് എൽ.എസ്.സിയിലെ പുതിയ ബാച്ചിന്റെ ഇൻഡക്ഷൻ പ്രോഗ്രാം നാളെ നടക്കും. രാവിലെ 10.20ന് കോളേജിലെ ബിഷപ്പ് ജെറോം ഓഡിറ്റോറിയത്തിൽ നടക്കുന്ന പരിപാടി യൂണിവേഴ്സിറ്റി സിൻഡിക്കേറ്റ് മെമ്പർ കല്ലട ഗിരീഷ് ഉദ്ഘാടനം ചെയ്യും. കോളേജ് വൈസ് പ്രിൻസിപ്പൽ ഡോ.മേരി ആന്റണി അദ്ധ്യക്ഷയാകും. അക്കാഡമിക് ഡയറക്ടർ പ്രൊഫ. ഡോ.സോഫിയ രാജൻ മുഖ്യ പ്രഭാഷണം നടത്തും. സിൻഡിക്കേറ്റ് മെമ്പർ എസ്.അജിതകുമാരി, എൽ.എസ്.സി കോ-ഓർഡിനേറ്റർ ശാന്തിനി വില്യംസ്, സെന്തിൽ കുമാർ എന്നിവർ സംസാരിക്കും. അസി.പ്രൊഫസർമാരായ ഡോ.മുഹ്സിന താഹ, ഡോ.എസ്.ദീപം എന്നിവർ നേതൃത്വം നൽകും.