പരവൂർ നാടകശാല നാടകോത്സവം

പരവൂർ:പരവൂർ നാടകശാലയുടെ നേതൃത്വത്തിലുള്ള നാടകോത്സവം നവംബർ രണ്ടുമുതൽ 11​വരെ കോട്ടപ്പുറം ഹൈസ്​കൂളിലെ ഓപ്പൺ എയർ ഓഡിറ്റോറിയത്തിൽ നടക്കും. ഉദ്ഘാടന സമ്മേളനത്തോടനുബന്ധിച്ച് സാംസ്​കാരിക ഘോഷയാത്രയും സംഘടിപ്പിക്കും. നാടകോത്സവം സംവിധായകൻ അടൂർ ഗോപാലകൃഷ്ണൻ ഉദ്ഘാടനം ചെയ്യും. കലാസാംസ്​കാരികരംഗത്ത് വ്യക്തിമുദ്ര പതിപ്പിച്ച പ്രതിഭകൾക്കായി നാടകശാല ഏർപ്പെടുത്തിയ പ്രഥമ സദാരാമ പുരസ്​കാരം സിനിമാ, നാടക നടൻ വിജയരാഘവന് അടൂർഗോപാലകൃഷ്ണൻ സമ്മാനിക്കും. സാഹിത്യകാരൻ കെ.വി.മോഹൻകുമാർ മുഖ്യപ്രഭാഷണം നടത്തും.
11​ന് സംഗീത നാടക അക്കാഡമി അദ്ധ്യക്ഷൻ ജി.വേണുഗോപാൽ സമാപന സമ്മേളനം ഉദ്ഘാടനം ചെയ്യുമെന്ന്

നാടകോത്സവ സംഘാടകസമിതി ചെയർമാൻ കെ.സേതുമാധവൻ, ജനറൽ കൺവീനർ അനിൽ ജി.പരവൂർ, ആർ.സതീഷ്​കുമാർ തുടങ്ങിയവർ അറിയിച്ചു.