മത്സ്യത്തൊഴിലാളി കൺവെൻഷൻ

ചാലിയം: ജനറൽ മത്സ്യത്തൊഴിലാളി യൂണിയൻ (ഐ.എൻ.ടി.യു.സി) കടലുണ്ടി പഞ്ചായത്ത് കമ്മിറ്റിയുടെ ആഭിമുഖ്യത്തിൽ വാർഷിക സമ്മേളനം ബോട്ട് ഓപ്പറേറ്റേഴ്സ് അസോസിയേഷൻ സംസ്ഥാന വൈസ് പ്രസിഡന്റ് കരിച്ചാലി പ്രേമൻ ഉദ്ഘാടനം ചെയ്തു. ആനപ്പുറം നാസർ അദ്ധ്യക്ഷത വഹിച്ചു. ഭാരവാഹികളായി ടി.കെ സിദ്ദീഖ് (പ്രസിഡന്റ്), വി.ടി ലത്തീഫ് (വൈസ് പ്രസിഡന്റ്). എ.പി.സിദ്ധാർത്ഥൻ (ജനറൽ സെക്രട്ടറി) ആനപ്പുറം നാസർ (ജോയിന്റ് സെക്രട്ടറി) റിയാസ് ടി.കെ. (ട്രഷറർ) എന്നിവരെ തെരഞ്ഞെടുത്തു. തെക്കു പടിഞ്ഞാറൻ മൺസൂൺകാലം നേരത്തെ ആരംഭിച്ച സാഹചര്യത്തിൽ മത്സ്യമേഖലയിൽ ഉണ്ടായേക്കാവുന്ന അപകടങ്ങളിലും പ്രതിസന്ധികളിലും ഫിഷറീസ് വകുപ്പ് ജാഗ്രത പുലർത്തണമെന്ന് കൺവെൻഷൻ ആവശ്യപ്പെട്ടു.