പ്രചാരണ ജാഥ സമാപിച്ചു

മുക്കം: "മാറ്റം അനിവാര്യം " എന്ന മുദ്രാവാക്യമുയർത്തി സി.പി.ഐ സെപ്തംബർ ഒന്നിന് ഡൽഹിയിൽ നടത്തുന്ന സമരത്തിന്റെ പ്രചാരണാർത്ഥം മുക്കം ലോക്കൽ കമ്മിറ്റി സംഘടിപ്പിച്ച കാൽനട ജാഥ മുക്കം നഗരത്തിൽ എസ് കെ പൊറ്റെക്കാട്ട് സ്മാരക പാർക്കിൽ സമാപിച്ചു. വെള്ളിയാഴ്ച തോട്ടത്തിൻ കടവിൽ ജില്ല സെക്രട്ടറി അഡ്വ.പി ഗവാസ് ഉദ്ഘാടനം ചെയ്ത ജാഥയാണ് സമാപിച്ചത്. സമാപന പൊതുയോഗം ജില്ല എക്സിക്യുട്ടീവ് കമ്മിറ്റി അംഗം കെ മോഹനൻ ഉദ്ഘാടനം ചെയ്തു. ചന്ദ്രൻ പുൽപറമ്പിൽ അദ്ധ്യക്ഷത വഹിച്ചു.

തിരുവമ്പാടി മണ്ഡലം സെക്രട്ടറി കെ ഷാജികുമാർ, മണ്ഡലം കമ്മിറ്റി അംഗം വി.എ സബാസ്റ്റ്യൻ, ജാഥ ക്യാപ്റ്റൻ സി ബി രഘു പ്രസാദ്, മുക്കം ബ്രാഞ്ച് സെക്രട്ടറി കെ സാനു എന്നിവർ പ്രസംഗിച്ചു.