വയനാട് ടൗൺഷിപ്പിൽ കാണാം, മൊയ്തീൻകുട്ടിയുടെ അതിജീവനം

കൽപ്പറ്റ: വയനാട് ടൗൺഷിപ്പിലെ ഏഴ് സെന്റ് ഭൂമിയിൽ വിവിധ പച്ചക്കറികൾ കൃഷി ചെയ്ത് മാതൃകയായി മുണ്ടക്കൈ സ്വദേശി കുരുക്കൾ മൊയ്തീൻകുട്ടി. വീട് ലഭിച്ച് രണ്ടു മാസം കൊണ്ടാണ് മൊയ്തീൻകുട്ടി മികച്ച പച്ചക്കറിത്തോട്ടം ഒരുക്കിയത്. എല്ലാ ദുരന്തബാധിതർക്കും ലഭിച്ചതുപോലെ ഏഴ് സെന്റ് ഭൂമിയും വീടുമാണ് മൊയ്തീൻകുട്ടിക്കും ലഭിച്ചത്. വീട് കഴിഞ്ഞുള്ള സ്ഥലം ഒഴിച്ചിടാൻ മൊയ്തീൻകുട്ടി തയ്യാറായില്ല. ഉള്ള സ്ഥലത്ത് നട്ടുവളർത്താൻ പറ്റുന്ന പച്ചക്കറികളും ഫലവൃക്ഷത്തൈകളുമെല്ലാം നട്ടു.

തക്കാളി, പച്ചമുളക്, ബ്രോക്കോളി, വഴുതന, ഇഞ്ചി, ബീൻസ്, പയർ, തക്കാളി, വഴുതനങ്ങ തുടങ്ങി ഒട്ടുമിക്ക പച്ചക്കറികളും വിളവെടുക്കാൻ തുടങ്ങി.

രണ്ടു മാസം മുൻപ് കൃഷി മന്ത്രി ടി.സിദ്ദിഖ് മാവിൻതൈ നട്ടുകൊണ്ടാണ് മൊയ്തീൻകുട്ടി കൃഷിക്ക് തുടക്കം കുറിച്ചത്. ചുറ്റുമതിലിലും ടെറസിലും വേലിയിലും എല്ലാം വിവിധ പച്ചക്കറികളാണ് നട്ടിട്ടുള്ളത്. ചെണ്ടുമല്ലിയും നിറയെ പൂവിട്ടിട്ടുണ്ട്. പൂക്കൾ വിരിഞ്ഞതോടെ പൂമ്പാറ്റകളും പക്ഷികളും അതിഥികളായി എത്താൻ തുടങ്ങി. മുണ്ടക്കൈ പുഞ്ചിരിമട്ടത്ത് മൊയ്തീൻകുട്ടിയും കുടുംബവും താമസിച്ചിരുന്ന വീട് ഉരുൾപൊട്ടലിൽ പൂർണമായും നഷ്ടമായിരുന്നു. അവിടെ ഏഴ് സെന്റ് ഭൂമിയാണ് ഉണ്ടായിരുന്നത്. അവിടെയും മികച്ച രീതിയിൽ കൃഷി ചെയ്തിരുന്നു.

മൊ​യ്തീ​ൻ​കു​ട്ടി​യു​ടെ​ ​മാ​തൃ​ക​യിൽ
കാ​ർ​ഷി​ക​ ​പ​ദ്ധ​തി​

ക​ൽ​പ്പ​റ്റ​:​ ​മു​ണ്ട​ക്കൈ​ ​ഉ​രു​ൾ​ ​ദു​ര​ന്ത​ബാ​ധി​ത​രു​ടെ​ ​പു​ന​ര​ധി​വാ​സ​ത്തി​ന്റെ​ ​ഭാ​ഗ​മാ​യി​ ​കൃ​ഷി​വ​കു​പ്പ് ​കാ​ർ​ഷി​ക​ ​പ​ദ്ധ​തി​ ​ന​ട​പ്പി​ലാ​ക്കും.​ ​കു​രി​ക്ക​ൾ​ ​മൊ​യ്തീ​ൻ​കു​ട്ടി​യു​ടെ​ ​കൃ​ഷി​യു​ടെ​ ​മാ​തൃ​ക​യും​ ​പ​ദ്ധ​തി​ക്കാ​യി​ ​ഉ​പ​യോ​ഗ​പ്പെ​ടു​ത്തു​മെ​ന്ന് ​അ​ഗ്രി​ക​ൾ​ച്ച​റ​ൽ​ ​അ​സി​സ്റ്റ​ന്റ് ​ഡ​യ​റ​ക്ട​ർ​ ​ഷ​ഫീ​ഖ് ​പ​റ​ഞ്ഞു.​ ​മൊ​യ്തീ​ൻ​കു​ട്ടി​യു​ടെ​ ​കൃ​ഷി​യി​ടം​ ​സ​ന്ദ​ർ​ശി​ച്ച​ ​ശേ​ഷം​ ​സം​സാ​രി​ക്കു​ക​യാ​യി​രു​ന്നു​ ​അ​ദ്ദേ​ഹം.​ ​പു​ന​ര​ധി​വാ​സ​ ​പ​ദ്ധ​തി​ ​പ്ര​ദേ​ശ​ങ്ങ​ളി​ൽ​ ​പ​ച്ച​ക്ക​റി,​ ​ഫ​ല​വൃ​ക്ഷ​ങ്ങ​ൾ​ ​ഉ​ൾ​പ്പെ​ടെ​ ​കൃ​ഷി​ ​ചെ​യ്യു​ന്ന​താ​ണ് ​പ​ദ്ധ​തി.​ ​വ​ള​വും​ ​തൈ​ക​ളും​ ​മ​റ്റു​ ​കൃ​ഷി​വ​കു​പ്പ് ​ന​ൽ​കും.​ ​ഉ​ത്പ്പാ​ദി​പ്പി​ക്കു​ന്ന​ ​ജൈ​വ​ ​പ​ച്ച​ക്ക​റി​ക​ൾ​ ​ടൗ​ൺ​ഷി​പ്പി​ൽ​ ​ത​ന്നെ​ ​വി​റ്റ​ഴി​ക്കാ​നു​ള്ള​ ​സം​വി​ധാ​ന​ങ്ങ​ളും​ ​ഒ​രു​ക്കും.

#

കൃഷി ചെയ്യാൻ മനസുണ്ടെങ്കിൽ സ്ഥലപരിമിതി ഒരു പ്രശ്നമേയല്ല. മുണ്ടക്കൈയിലെ ഓർമ്മ നിലനിർത്താൻ കൂടിയാണ് കൃഷി ചെയ്യുന്നത്.

കുരുക്കൾ മൊയ്തീൻകുട്ടി