കേശദാനം നടത്തി മാതൃകയായി

വണ്ടൂർ : വണ്ടൂർ യതീംഖാന യു.പി സ്‌കൂളിലെ കുട്ടികൾ കാൻസർ രോഗികൾക്ക് കേശദാനം നടത്തി മാതൃകയായി. അൻഷ ഫാത്തിമ, അജ്‌വ,​ സി,​ടി,​പി മിൻഹ ഫാത്തിമ, അസ്‌വ , ഹാനിയ, അദീല, സൈല റഹ്മത്ത് , ദിയ ഫാത്തിമ , റിയ ഫാത്തിമ എന്നീ കുട്ടികളാണ് മുടി ദാനം ചെയ്തത്.
മുടി ദാനം ചെയ്യാനുള്ള ആഗ്രഹം കുട്ടികൾ പ്രകടിപ്പിച്ചപ്പോൾ അദ്ധ്യാപകരും രക്ഷിതാക്കളും കൂടെ നിന്നു.
ചടങ്ങിൽ പ്രധാനാദ്ധ്യാപകൻ കെ.ടി. ഷിഹാബുദീൻ, അദ്ധ്യാപകരായ കെ.കെ.മുഹമ്മദലി , ബേബി ഷാഹിന കളത്തൊടി, ഇ.ഷഹീർ എന്നിവർ പങ്കെടുത്തു. കോഴിക്കോട് ഫറോക്ക് ആസ്ഥാനമായി പ്രവർത്തിക്കുന്ന മിറാക്കിൾ ചാരിറ്റബിൾ ട്രസ്റ്റിന്റെ ആഭിമുഖ്യത്തിലാണ് കേശദാനം നടത്തിയത്.
ട്രസ്റ്റ് മെമ്പർ ധന്യ ചടങ്ങിന് നേതൃത്വം നൽകി. കുട്ടികൾക്ക് സർട്ടിഫിക്കറ്റുകൾ വിതരണം ചെയ്തു.