കേരള കോൺഗ്രസ് (എം)​ ഇന്നും നാളെയും മലയോര ജാഥ സംഘടിപ്പിക്കും

മലപ്പുറം: 1972-ലെ കേന്ദ്ര വന്യജീവി സംരക്ഷണ നിയമം കാലോചിതമായി ഭേദഗതി ചെയ്യണമെന്നും വന്യമൃഗ ആക്രമണങ്ങൾ ഉണ്ടാവുമ്പോൾ ജനങ്ങളുടെ സ്വത്തിനും ജീവനും സുരക്ഷ ഉറപ്പുവരുത്താൻ ദുരന്തനിവാരണ നിയമം പ്രയോഗിക്കണമെന്നും ആവശ്യപ്പെട്ട് കേരള കോൺഗ്രസ്(എം)​ ജില്ലാ കമ്മിറ്റിയുടെ നേതൃത്വത്തിൽ ഇന്നും നാളെയും മലയോര ജാഥ സംഘടിപ്പിക്കും. ജില്ലാ പ്രസിഡന്റ് പി.എം. ജോണി പുല്ലന്താനിയുടെ നേതൃത്വത്തിൽ നടത്തുന്ന ജാഥ രാവിലെ 10ന് പനംപിലാവിൽ സംസ്ഥാന സെക്രട്ടറി കെ.ജി. ദേവസ്യ ഉദ്ഘാടനം ചെയ്യും.ആദ്യദിനം വെറ്റിലപ്പാറ,​ ഓടക്കയം,​ മമ്പാട്,​ ചന്തക്കുന്ന്,​ നിലമ്പൂർ,​ അകമ്പാടം,​ എരുമമുണ്ട,​ പോത്തുകല്ല്,​ മുണ്ടേരി,​ ഉപ്പട,​ ചുങ്കത്തറ എന്നിവിടങ്ങളിൽ പര്യടനം നടത്തും. നാളെ രാവിലെ 9.30ന് എടക്കരയിൽ നിന്ന് ആരംഭിച്ച് വൈകിട്ട് ആറിന് കരുവാരക്കുണ്ടിൽ സമാപിക്കും. വാർത്താസമ്മേളനത്തിൽ ഭാരവാഹികളായ ജോണി പുല്ലന്താനി,​ എം.എ. തോമസ്,​ ടി.എ. അപ്പച്ചൻ തേക്കിൻതോട്ടം,​സ്കറിയ കിനാത്തോപ്പിൽ പങ്കെടുത്തു.