വെള്ളാട്ടുംതിറ മഹോത്സവം 

വേങ്ങര : പാക്കടപ്പുറായ മലാരത്ത് മുത്തപ്പൻ ക്ഷേത്രത്തിലെ മൂന്ന് ദിവസം നീളുന്ന വെള്ളാട്ടും തിറ മഹോത്സവം മാർച്ച് 21,22,23 തീയതികളിൽ നടക്കും. 21ന് രാത്രി 10ന് ചടങ്ങുകൾക്ക് തുടക്കമാവും. 22ന് വൈകിട്ട് ആറിന് മഞ്ഞത്താലപ്പൊലി, ശിങ്കാരിമേളം, തെയ്യരൂപങ്ങൾ, ചുറ്റുവിളക്ക് . രാത്രി ഒമ്പതിന് തായമ്പക, രാത്രി 10ന് നൃത്തനൃത്ത്യങ്ങൾ, നാടകം, നാടൻപാട്ടുകൾ, ഭക്തിഗാനം. 23ന് രാവിലെ എട്ടുമുതൽ വൈകിട്ട് നാല് വരെ വെള്ളാട്ട് നിരത്തൽ . വൈകിട്ട് ആറിന് തിറയും മുടിയും ചാർത്തൽ, കുടികൂട്ടൽ ചടങ്ങോടെ തിറമഹോത്സവം സമാപിക്കുമെന്ന് കർമ്മികളായ എ.പി. കാരിക്കുട്ടി, സി.എം. രാമൻ, പി. പി. ചാത്തുട്ടി, പി. കുഞ്ഞൻ, പനക്കൽ ദാമോദരൻ, കെ.കെ ഗോപാലൻ എന്നിവർ അറിയിച്ചു.