ഷെൽട്ടർ നവാഗത സംഗമം

താനൂർ: വിരമിച്ച അദ്ധ്യാപകരുടെ സംഘടനയായ ഷെൽട്ടർ താനൂർ ഉപജില്ലാ കമ്മിറ്റിയുടെ നേതൃത്വത്തിൽ അദ്ധ്യാപക സംഗമവും പുതിയ അംഗങ്ങൾക്കുള്ള സ്വീകരണവും സംഘടിപ്പിച്ചു. താനൂർ ബി.ആർ.സി ഹാളിൽ നടന്ന പരിപാടി ജില്ലാ ഗവേണിംഗ് ബോഡി അംഗം പി.വി.സേതുമാധവൻ ഉദ്ഘാടനം ചെയ്തു. പ്രസിഡന്റ് എം.ഗോപിനാഥൻ അദ്ധ്യക്ഷനായി. ജില്ലാ എക്സിക്യുട്ടീവ് അംഗം ഇ.മുകുന്ദൻ നവാഗതരെ സ്വീകരിച്ചു. എ.കേശവൻ, ഷാജി കാക്കൂർ, സി.മോഹൻദാസ്, എം.വിശ്വനാഥൻ, കെ.ജി.രാധാമണി, പി.കിരാതമൂർത്തി, കെ.പി ബാലകൃഷ്ണൻ സംസാരിച്ചു. ഉപജില്ലാ സെക്രട്ടറി പി.പി.ബാലകൃഷ്ണൻ സ്വാഗതവും ടി.ഗോപാലൻ നന്ദിയും പറഞ്ഞു.