ഉറക്കക്കുറവിന് ഒ.പി

പാലക്കാട്: ഉറക്കക്കുറവ് കാരണം ബുദ്ധിമുട്ട് അനുഭവിക്കുന്നവർക്ക് പാലക്കാട് ജില്ലാ ആശുപത്രിയിലെ മാനസികാരോഗ്യ വിഭാഗത്തിന്റെ നേതൃത്വത്തിൽ പ്രത്യേക ഒ.പി ആരംഭിച്ചു. ഇന്നത്തെ ജീവിത ശൈലി, മാനസീക സമ്മർദ്ദം, മൊബൈൽ ഫോൺ ഉപയോഗം എന്നിവ മൂലം ഉറക്കകുറവ് അനുഭവിക്കുന്നവരുടെ എണ്ണം വർദ്ധിച്ചു വരുന്ന സാഹചര്യത്തിലാണ് ആശുപത്രിയിൽ പ്രത്യേക ഒ.പി ആരംഭിക്കുന്നത്. എല്ലാ തിങ്കളാഴ്ചയും രാവിലെ ഒൻപത് മുതൽ ഉച്ചയ്ക്ക് രണ്ട് വരെ പ്രത്യേക ഒ.പി സേവനം ലഭിക്കും. കൂടുതൽ വിവരങ്ങൾക്ക് ഫോൺ: 0491 2546260.