കാടുകൾ നീക്കം ചെയ്യണം

കോന്നി : മലയാലപ്പുഴ, കോന്നി ഗ്രാമപഞ്ചായത്തുകളിലൂടെ കടന്നുപോകുന്ന ആഞ്ഞിലികുന്ന് - കാവനാൽപടി - വടക്കുപുറം റോഡിൽ ഇരുവശത്തും കാടുകൾ വളർന്നുനിൽക്കുന്നത് യാത്രാതടസം സൃഷ്ടിക്കുന്നു. ആഞ്ഞിലുകുന്ന്, അട്ടചാക്കൽ, കിഴക്കുപുറം, വെട്ടൂർ, വടക്കുപുറം പ്രദേശങ്ങളിലെ ജനങ്ങൾ ഉപയോഗിക്കുന്ന റോഡാണിത്. ടാർ റോഡി​ന്റെ ഇരുവശവും കാട് വളർന്നു നിൽക്കുകയാണ്. സ്കൂൾ ബസുകൾ അടക്കം നിരവധി വാഹനങ്ങൾ ദിവസവും സഞ്ചരിക്കുന്ന പാതയാണിത്. ഇവി​ടെ ഇഴജന്തുക്കളുടെയും കാട്ടുപന്നികളുടെയും ശല്യവുമുണ്ട്. രണ്ടര കിലോമീറ്റർ ദൈർഘ്യമുള്ള റോഡിലെ കാടുകൾ തെളിച്ചു സഞ്ചാരയോഗ്യമാക്കാണമെന്നാണ് നാട്ടുകാരുടെ ആവശ്യം.