സോഷ്യൽ സർവീസ് സ്‌കീം യൂ​ണിറ്റ്

പന്തളം : മങ്ങാരം ഗവ.യു.പി സ്‌കൂളിലെ സ്‌കൂൾ സോഷ്യൽ സർവീസ് സ്‌കീം യൂണിറ്റിന്റെ പ്രവർത്തനോ​ദ്ഘാ​ടനം പന്തളം നഗരസഭ ഉപാദ്ധ്യക്ഷ യു.രമ്യ നിർവഹിച്ചു. 'ലഹരി മുക്ത ഭവനം ലഹരിമുക്ത വിദ്യാലയം' എന്ന വിഷയത്തിൽ അവബോധ ക്ലാസ് സീനിയർ സിവിൽ പൊലീസ് ഓ​ഫീസർ സി.ഹരികുമാർ നയിച്ചു. പന്തളം നഗരസഭ കൗൺസിലർ സുനിതവേണു മുഖ്യപ്രഭാഷണം നടത്തി. പ്രഥമാദ്ധ്യാപിക ജിജി റാണി, പി.ടി​.എ പ്രസിഡന്റ് എം.ബി.ബിനുകുമാർ, സോഷ്യൽ സർവീസ് സ്‌കീം കോ ഓർഡിനേറ്റർ ലക്ഷ്മി ചന്ദ്രൻ, അദ്ധ്യാപകരായ വിഭു നാരായൺ, വി.രേഖ എന്നിവർ സംസാരിച്ചു.