യുവജ്വാല ക്യാമ്പയിൻ

അടൂർ : നെഹ്‌റു യുവകേന്ദ്രയും എയ്ഡ്സ് കൺ​ട്രോൾ സൊസൈറ്റിയും കൈതയ്ക്കൽ ബ്രദേഴ്‌സ് ഗ്രന്ഥശാലയുമായി​ ചേർന്ന് യുവജ്വാല ക്യാമ്പയിൻ സംഘടിപ്പിച്ചു. പള്ളിക്കൽ വൊക്കേഷണൽ ഹയർസെക്കൻഡറി സ്‌കൂളിലെ ഒന്നാംവർഷ വിദ്യാർത്ഥികൾക്ക് വേണ്ടിയായിരുന്നു ക്ലാസ്. സ്‌കൂൾ പ്രിൻസിപ്പൽ സനിൽ കുമാർ സി.എസ് ഉദ്ഘാടനം ചെയ്തു. ബ്രദേഴ്‌സ് പ്രസിഡന്റ് വിമൽ കൈതയ്ക്കൽ അദ്ധ്യക്ഷത വഹിച്ചു. ബ്രദേഴ്‌സ് സെക്രട്ടറി ജയകുമാർ.പി, പി.ടി​.എ പ്രസിഡന്റ് വി.പ്രകാശ് ബാബു, വി.എച്ച്.എസ്.ഇ പി.ടി​.എ പ്രസിഡന്റ് മായ, എൻ.എസ്.എസ് പ്രോഗ്രാം ഓഫീസർ മഞ്ജുഷ ജയപാലൻ, കരിയർ ഗൈഡ് ശാലിനി പി.എസ്, രാജി.ജെ, ചിന്നു വിജയൻ എന്നിവർ സംസാരി​ച്ചു.