പ്രതിഭാസംഗമം

മല്ലപ്പള്ളി : ചുങ്കപ്പാറ സെന്റ് ജോർജസ് ഹൈസ്കൂളിൽ പുതുവത്സര ദിനത്തിൽ നടന്ന പ്രതിഭാ സംഗമം ജില്ലാ പഞ്ചായത്ത് പ്രസിഡന്റ് രാജി പി.രാജപ്പൻ ഉദ്ഘാടനം ചെയ്തു. ഹെഡ്മാസ്റ്റർ വർഗീസ് ജോസഫ് അദ്ധ്യക്ഷതവഹിച്ചു. ഫാദർ തോമസ് പയ്യമ്പള്ളിയിൽ അനുഗ്രഹ പ്രഭാഷണവും മല്ലപ്പള്ളി ഉപജില്ല വിദ്യാഭ്യാസ ഓഫീസർ ജേക്കബ് സത്യൻ മുഖ്യ സന്ദേശവും നൽകി. ഫാദർ ജിബിൻ നൈനാൻ പുതുവർഷ സന്ദേശം നൽകി. പഞ്ചായത്ത് അംഗം അഖിൽ എസ്.നായർ, ചുങ്കപ്പാറ സി.എം.എസ് എൽ.പി.എസ് ഹെഡ്മിസ്ട്രസ് കുഞ്ഞുമോൾ.ടി.സി, പി.ടി.എ പ്രസിഡന്റ് അൻസാരി.എ.എം, ജോസഫ് സി.ജോർജ്, മാത്യൂസ് ഡാനിയേൽ, ശ്രീരാജ്.എസ് എന്നിവർ പ്രസംഗിച്ചു.