ഫണ്ട് വിനിയോഗം വിലയിരുത്തി

അടൂർ : മണ്ഡലത്തിലെ വികസനപ്രവർത്തനങ്ങളെ സംബന്ധിച്ച് ഡെപ്യൂട്ടി സ്പീക്കർ ചിറ്റയം ഗോപകുമാറിന്റെ അദ്ധ്യക്ഷതയിൽ ജില്ലാ കളക്ടറുടെ സാന്നിദ്ധ്യത്തിൽ കളക്‌ടറേറ്റ് കോൺഫറൻസ് ഹാളിൽ അവലോകനം നടത്തി​. 15 ദിവസം കൂടുമ്പോൾ പദ്ധതി​കളുടെ പുരോഗതി വിലയിരുത്തി റിപ്പോർട്ട് കളക്ടർക്ക് കൈമാറണം എന്ന് നിർദേശം നൽകി. എം.എൽ.എ ഫണ്ടിൽനിന്ന് 60 ലക്ഷം രൂപ ചെലവഴിച്ച് നിർമ്മിക്കുന്ന അടൂർ ഗാന്ധി പാർക്കിലെ സ്റ്റേജ്, അനുബന്ധപ്രവൃത്തികൾ എന്നിവയ്ക്ക് ഭരണാനുമതി നൽകാനും തീരുമാനമായി. എ ഡി സി ജനറൽ രാജ് കുമാർ, വിവിധ വകുപ്പ് ഉദ്യോഗസ്ഥർ തുടങ്ങിയവർ പങ്കെടുത്തു.