മണ്ണടിയിൽ തെരുവുനായ  ആക്രമണം

അടൂർ : മണ്ണടിയിൽ തെരുവുനായ ആക്രമണത്തിൽ എട്ടുപേർക്ക് പരിക്ക്. മണ്ണടി കുറ്റിയിൽ ഗീത (51), കാഞ്ഞിരവിള പുത്തൻവീട്ടിൽ ശാമില (38), ചക്കാല കിഴക്കേതിൽ അനീഷ (30), കുറുമ്പോലിൽ വീട്ടിൽ അനൂപ് (44) എന്നിവർ അടൂർ ഗവ.ആശുപത്രിയിൽ ചി​കി​ത്സതേടി​. ഇന്നലെ ഉച്ചക്ക് 2.30ന് ശേഷമായി​രുന്നു ആക്രമണം. മണ്ണടി വേലുത്തമ്പി ദളവ ജംഗ്ഷന് സമീപം നിൽക്കുകയായിരുന്ന ഹരിത കർമ്മസേനാംഗമായ ഗീതയെയാണ് ആദ്യം നായ ആക്രമിച്ചത്. പുതൂട്ട് മുക്കിൽ സ്കൂളിൽ കുട്ടിയെ വിളിക്കാൻ എത്തിയ അനീഷയെ ആക്രമിച്ചു. തയ്യൽ തൊഴിലാളിയായ അനൂപിനെ ബൈക്കിൽ നിന്ന് ഇറങ്ങുമ്പോഴാണ് നായ ആക്രമിച്ചത്.