പ്രതിഷേധിച്ചു

തിരുവല്ല : ന്യൂനപക്ഷ വിദ്യാർത്ഥികളുടെ സ്കോളർഷിപ്പുകൾക്ക് വകയിരുത്തിയിരുന്ന തുക 50 ശതമാനമായി വെട്ടിച്ചുരുക്കിയ സംസ്ഥാന സർക്കാരിന്റെ നടപടി പ്രതിഷേധാർഹമാണെന്ന് കേരള കൗൺസിൽ ഒഫ് ചർച്ചസ് ആരോപിച്ചു. സാധാരണക്കാരായ ആയിരക്കണക്കിന് വിദ്യാർത്ഥികൾക്ക് പഠനസഹായമായി ലഭിക്കേണ്ട കോടിക്കണക്കിന് രൂപ നഷ്ടമാകുന്നത് അപലപനീയമാണെന്നും ഈ നടപടിയിൽ നിന്നും സർക്കാർ പിന്മാറണമെന്നും സ്കോളർഷിപ്പുകൾ തുടർന്ന് ലഭിക്കുന്നതിന് ആവശ്യമായ ക്രമീകരണം ചെയ്യണമെന്നും കെ.സി.സി പ്രസിഡന്റ് അലക്സിയോസ് മാർ യൗസേബിയോസ് മെത്രാപ്പൊലീത്ത, ജനറൽ സെക്രട്ടറി ഡോ.പ്രകാശ് പി തോമസ്, ട്രഷറർ റവ. ഡോ. റ്റി. ഐ. ജയിംസ് എന്നിവർ ആവശ്യപ്പെട്ടു.