പരിശോധന കർശനമാക്കും

പത്തനംതിട്ട : കുടിവെള്ളത്തിന്റെയും ഭക്ഷണത്തിന്റെയും ഗുണനിലവാരം ഉറപ്പാക്കാൻ ആരോഗ്യ, ഭക്ഷ്യസുരക്ഷാ വകുപ്പുകളുടെ പരിശോധന കർശനമാക്കുമെന്ന് ജില്ലാ കളക്ടർ എസ്.പ്രേം കൃഷ്ണൻ പകർച്ചവ്യാധി പ്രതിരോധ നിയന്ത്രണ പ്രവർത്തനങ്ങളുടെ അവലോകനയോഗത്തിൽ അറി​യി​ച്ചു. സ്‌കൂളുകൾ, വയോജന കേന്ദ്രങ്ങൾ എന്നി​വി​ടങ്ങളി​ൽ ആരോഗ്യവകുപ്പ് പരിശോധന കർശനമാക്കും. പരിസരശുചിത്വം പ്രോൽസാഹിപ്പിക്കാനും ലഹരി ഉപയോഗത്തിനെതിരെയും ബോധവൽക്കരണം നൽകും. ജില്ലാ മെഡിക്കൽ ഓഫീസർ ഡോ.എൽ.അനിതാ കുമാരി, ഡോ.സി.എസ്.നന്ദിനി, ഡോ.ഐപ്പ് ജോസഫ്, ഡോ.ശ്യാം കുമാർ, ജില്ലാ മാസ് മീഡിയാ ഓഫീസർ എസ്.ശ്രീകുമാർ എന്നിവർ പങ്കെടുത്തു.