തിരുവനന്തപുരം – അങ്കമാലി ഗ്രീൻഫീൽഡ് ഹൈവേ: പദ്ധതി വേണ്ടെന്ന് കേന്ദ്രം പ്രതീക്ഷ മങ്ങി ജില്ല

കോന്നി: തിരുവനന്തപുരം – അങ്കമാലി ഗ്രീൻഫീൽഡ് ഹൈവേ (എൻഎച്ച് 183) പദ്ധതി കേന്ദ്രം ഉപേക്ഷിച്ചത് ജില്ലയുടെ കിഴക്കൻ മലയോര മേഖലയ്ക്ക് നഷ്ടമായി.ദേശീയപാത അതോറിറ്റി പ്രഖ്യാപിച്ച പദ്ധതി കിഴക്കൻ മലയോര മേഖലയിൽ വികസനം ഉറപ്പാക്കുമെന്നായിരുന്നു പ്രതീക്ഷ. നിർദ്ദിഷ്ട കോന്നി ബൈപ്പാസ് നടപ്പാകാനും കോന്നി ടൗണിലെ ഗതാഗതക്കുരുക്കിന് പരിഹാരമുണ്ടാകാനും ഗ്രീൻഫീൽഡ് ഹൈവേയിലൂടെ കഴിയുമായിരുന്നു. പ്രാരംഭ പ്രവർത്തനങ്ങൾ സജീവമായി മുന്നോട്ടുപോയ പദ്ധതി തത്കാലം പരിഗണനയിലില്ലെന്ന് കേന്ദ്രമന്ത്രി നിതിൻ ഗഡ്കരിയാണ് പാർലമെന്റിൽ പ്രഖ്യാപിച്ചത്. എന്നാൽ സംസ്ഥാനത്തെ യുഡിഎഫ് എംപിമാരുമായി നടത്തിയ ചർച്ചയിൽ പദ്ധതി ഒഴിവാക്കില്ലെന്ന് കേന്ദ്രമന്ത്രി ഉറപ്പുനൽകിയതായി ആന്റോ ആന്റണി എം പി പറയുന്നു. രണ്ടുതവണ അലൈൻമെന്റ് മാറ്റിയ പദ്ധതിയെ ആദ്യം സാമ്പത്തിക ഇടനാഴികൾക്കു വേണ്ടിയുള്ള ഭാരത്‌മാല പദ്ധതിയിൽനിന്ന് ഒഴിവാക്കി ദേശീയപാത അതോറിറ്റിയുടെ തനത് പദ്ധതിയായി നടപ്പാക്കുമെന്നും പറഞ്ഞിരുന്നു.

മദ്ധ്യ​കേ​ര​ള​ത്തി​ലെ ജി​ല്ല​ക​ളെ ത​ല​സ്ഥാ​ന​വു​മാ​യി ബ​ന്ധി​പ്പി​ക്കു​ന്ന നാ​ലു​വ​രി പാ​ത​യാ​യ ഗ്രീ​ൻ​ഫീ​ൽ​ഡ് ഹൈ​വേയ്​ക്ക്​ പാ​രി​സ്ഥി​തി​ക അ​നു​മ​തി നേരത്തെ ലഭിച്ചിരുന്നു. എം.​സി റോ​ഡി​ന്​ സ​മാ​ന്ത​ര​മാ​യി തി​രു​വ​ന​ന്ത​പു​രം മു​ത​ൽ അ​ങ്ക​മാ​ലി വ​രെ 45 മീ​റ്റ​ർ വീ​തി​യി​ലാ​ണ്​ പാ​ത വിഭാവനം ചെയ്തത് . തി​രു​വ​ന​ന്ത​പു​രം പു​ളി​മാ​ത്തു​നി​ന്ന് ആ​രം​ഭി​ച്ച് അ​ങ്ക​മാ​ലി​യി​ൽ എ​ത്തു​ന്ന നിർദ്ദിഷ്ട പാ​തയ്ക് 257 കി​ലോ​മീ​റ്റർ ദൂരമുണ്ട്. പു​ളി​മാ​ത്ത്, നെ​ടു​മ​ങ്ങാ​ട്, കൊ​ട്ടാ​ര​ക്ക​ര, പു​ന​ലൂ​ർ, പ​ത്ത​നാ​പു​രം, കോ​ന്നി, റാ​ന്നി താ​ലൂ​ക്ക് വ​ഴി​യാ​ണ് പാ​ത കോ​ട്ട​യം ജി​ല്ല​യി​ൽ പ്രവേശിക്കുന്നത്.

നഷ്ടം കോന്നിക്കും റാന്നിക്കും

പ​ത്ത​നാ​പു​രം ഭാ​ഗ​ത്തു​നി​ന്ന്​ നി​ല​വി​ലെ പു​ന​ലൂ​ർ-​മൂ​വാ​റ്റു​പു​ഴ സം​സ്ഥാ​ന​പാ​ത​യി​ലൂ​ടെ വ​ക​യാ​ർ കൊ​ല്ല​ൻ​പ​ടി​ക്ക് സ​മീ​പമെത്തി​ അ​രു​വാ​പ്പു​ലം വി​ല്ലേ​ജി​ലെ എ​ള്ളാം​കാ​വ് ക്ഷേ​ത്ര​ത്തി​ന് സ​മീ​പ​ത്തു​കൂ​ടി പ​രു​ത്തി, മാ​ളാ​പാ​റ, മു​ള​ന്ത​റ, മാ​വ​നാ​ൽ, ആ​ന​കു​ത്തി, സി.​എ​ഫ്.​ആ​ർ.​ഡി, മെ​ഡി​ക്ക​ൽ കോ​ളേജ് എ​ന്നി​വ​യു​ടെ സ​മീ​പ​ത്തു​കൂ​ടി പ​യ്യ​നാ​മ​ൺ ത​വ​ള​പ്പാ​റ വ​ഴി പ​യ്യ​നാ​മ​ണ്ണി​ലെ പ​ഴ​യ പോ​സ്റ്റ് ഓ​ഫി​സി​ന് സ​മീ​പമെത്തും. കൊ​ന്ന​പ്പാ​റ, ചെ​മ്മാ​നി എ​സ്റ്റേ​റ്റ്, ചെ​ങ്ങ​റ ചി​റ​ത്തി​ട്ട ജംഗ്ഷ​ൻ ഹാ​രി​സ​ൺ മ​ല​യാ​ളം പ്ലാ​ന്റേ​ഷ​ൻ കു​മ്പ​ഴത്തോ​ട്ടം, പു​തു​ക്കു​ളം, ത​ല​ച്ചി​റ വ​ഴി വ​ട​ശേരി​ക്ക​ര​യി​ലും പ​മ്പാ​ന​ദി ക​ട​ന്ന് ചെ​റു​കു​ള​ഞ്ഞി വ​ഴി റാ​ന്നി​യി​ലേ​ക്കും തു​ട​ർ​ന്ന് മ​ന്ദ​മ​രു​തി വ​ഴി മ​ക്ക​പ്പു​ഴ, എ​രു​മേ​ലി വ​ഴി കോ​ട്ട​യം ഭാ​ഗ​ത്തേ​ക്ക് കടന്നു പോകുന്ന രീതിയിലായിരുന്നു പദ്ധതിയുടെ അലൈൻമെന്റ് .

@ മദ്ധ്യ​കേ​ര​ള​ത്തി​ലെ ജി​ല്ല​ക​ളെ ത​ല​സ്ഥാ​ന​വു​മാ​യി ബ​ന്ധി​പ്പി​ക്കു​ന്ന പാത

257 കി​ലോ​മീ​റ്റർ ദൂരം

45 മീ​റ്റ​ർ വീ​തി​