മൂന്ന് പതിറ്റാണ്ട് ശബരിമല ഡ്യൂട്ടി : ഒടുവിൽ സന്നിധാനത്ത് യാത്രയയപ്പ്

ശബരിമല : മൂന്ന് പതിറ്റാണ്ട് ശബരിമലയിൽ പൊലീസ് ഉദ്യോഗസ്ഥനായി സേവനം ചെയ്ത സബ് ഇൻസ്പെക്ടർക്ക് സന്നിധാനത്ത് യാത്രയയപ്പ് നൽകി. 2026 ജനുവരിയിൽ വിരമിക്കുന്ന കാസർകോട് ചിറ്റാരിക്കൽ സ്റ്റേഷനിലെ സബ് ഇൻസ്പെക്ടർ മധുസൂദനൻ മടിക്കൈക്കാണ് സഹപ്രവർത്തകർ സന്നിധാനത്ത് യാത്രയയപ്പ് നൽകിയത്. എ.ഡി.ജി.പി എസ്.ശ്രീജിത്ത് അയ്യപ്പ ചിത്രം ഉപഹാരമായി നൽകി. ജീവിതത്തിലെ വലിയ കാലയളവ് പൊലീസിൽ ജോലി ചെയ്തശേഷം അയ്യപ്പ സന്നിധിയിൽ നിന്ന് വിരമിക്കാൻ അവസരം ലഭിച്ചത് അനുഗ്രഹമാണെന്ന് മധുസൂദനൻ പറഞ്ഞു.

1995 ൽ കെ എ പി നാലം ബറ്റാലിയനിൽ പൊലീസുകാരനായി പ്രവേശിച്ചത് മുതൽ മധുസൂദനൻ ശബരിമലയിൽ സേവനം അനുഷ്ഠിച്ചിട്ടുണ്ട്. 2026 ജനുവരി 31 വരെയാണ് സർവീസ് കാലയളവ്.

കൊടിമരത്തിന് സമീപം നടന്ന ചടങ്ങിൽ കാസർകോട് ജില്ലയിൽ നിന്നുള്ള ഡിവൈ.എസ്.പി ടി.ഉത്തംദാസ്, ഇൻസ്പെക്ടർമാരായ കെ.പി.സുധീഷ് കുമാർ, ജിജേഷ് എന്നി​വർ പങ്കെടുത്തു.