കോൽക്കളിയിൽ വലപ്പാടിന്റെ ആധിപത്യം

കുന്നംകുളം: പിഴയ്ക്കാത്ത ചുവടുമായി സദസിന് ഹരം പകർന്ന് ഹയർ സെക്കൻഡറി വിഭാഗം കോൽക്കളിയിൽ ഹാട്രിക് വിജയം നേടി വലപ്പാട് ഗവ.ഹയർ സെക്കൻഡറി സ്‌കൂൾ. വലപ്പാട് സ്വദേശി പൃഥ്വിരാജിന്റെ പരിശീലനത്തിൽ മത്സരിച്ച വലപ്പാട് ഗവ.ഹയർ സെക്കൻഡറി സ്‌കൂൾ കോൽക്കളിയിൽ എ ഗ്രേഡോടെ സംസ്ഥാന തലത്തിലേക്ക് തുടർച്ചയായി മൂന്നാം തവണയും യോഗ്യത നേടി. ഫാദിൽ, മുനീസ്, ആദിൽ, അഫ്‌സൽ, അനീസ്, ഷബീർ, സഹൽ, റഹീസ്, മെഹ്ഫൂസ്, മുഹ്താജ്, അൻസിൽ, നബീൽ എന്നിവരാണ് ടീം അംഗങ്ങൾ. ആകെ പത്ത് ടീമാണ് മത്സരിച്ചത്. ഏഴ് ടീമുകൾ എ ഗ്രേഡ് നേടി.