ഡബ്ലിയു.സി.സിക്ക് പുരസ്‌കാരം

തൃശൂർ: സ്വാതന്ത്ര്യസമര സേനാനിയും സോഷ്യലിസ്റ്റ് നേതാവുമായ കെ.എ.തോമസ് മാസ്റ്ററുടെ പേരിൽ പൊതുപ്രവർത്തകർക്ക് നൽകുന്ന പുരസ്‌കാരം വിമൺ ഇൻ സിനിമ കളക്ടീവിന്. പി.എൻ.ഗോപീകൃഷ്ണൻ, ഡോ. സി.എസ്.വെങ്കിടേശ്വരൻ, പ്രൊഫ. കുസുമം ജോസഫ് എന്നിവരടങ്ങിയ സമിതിയാണ് പുരസ്‌കാരം നിർണയിച്ചത്. കെ.എ.തോമസ് മാസ്റ്റർ ഫൗണ്ടേഷന്റെ 20,000 രൂപയും പ്രശസ്തിപത്രവും സ്മൃതിഫലകവും ഉൾപ്പെടുന്നതാണ് പുരസ്‌കാരം. മാർച്ച് രണ്ടിന് മാള പഞ്ചായത്ത് കമ്മ്യൂണിറ്റി ഹാളിൽ നടക്കുന്ന അനുസ്മരണ പരിപാടിയിൽ സി.പി.ഐ സംസ്ഥാന സെക്രട്ടറി ബിനോയ് വിശ്വം പുരസ്‌കാരം സമർപ്പിക്കും. ദീദി ദാമോദരൻ, ജോളി ചിറയത്ത്, ആശ ജോസഫ് എന്നിവർ പുരസ്‌കാരം ഏറ്റുവാങ്ങും. വി.ആർ. സുനിൽകുമാർ എം.എൽ.എ അദ്ധ്യക്ഷനാകും.