കോൺഗ്രസ് പ്രതിഷേധം

ചേലക്കര: നികുതി കൊള്ള അവസാനിപ്പിക്കുക, സംസ്ഥാന ബജറ്റിലെ ജനദ്രോഹ നിർദ്ദേശങ്ങൾക്കും ഭൂനികുതി 50 ശതമാനം വർദ്ധിപ്പിച്ചതിന് എതിരെയും ചേലക്കര മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ചേലക്കര വില്ലേജ് ഓഫീസിൽ മുന്നിൽ പ്രതിഷേധ ധർണ നടത്തി. ഡി.സി.സി ജനറൽ സെക്രട്ടറി ഇ.വേണുഗോപാല മേനോൻ ഉദ്ഘാടനം ചെയ്തു. ബ്ലോക്ക് കോൺഗ്രസ് കമ്മിറ്റി പ്രസിഡന്റ് ടി.ഗോപാലകൃഷ്ണൻ അധ്യക്ഷനായി.

തിരുവില്വാമല കോൺഗ്രസ് മണ്ഡലം കമ്മിറ്റിയുടെ നേതൃത്വത്തിൽ തിരുവില്വാമല വില്ലേജ് ഓഫീസിലേക്ക് നടത്തിയ മാർച്ചും ധർണയും ഡിസിസി സെക്രട്ടറി ടി.എൻ.കൃഷ്ണൻ ഉദ്ഘാടനം ചെയ്തു. തിരുവില്വാമല പഞ്ചായത്ത് വൈസ് പ്രസിഡന്റ് എം.ഉദയൻ അധ്യക്ഷനായി.