'ജലദ' കലോത്സവം ഇന്നും നാളെയും

തൃശൂർ: കേരള വാട്ടർ അതോറിറ്റി ജീവനക്കാരുടെ കലാ സാംസ്‌കാരിക വേദിയായ 'ജലദ'യുടെ രണ്ടാം ജില്ലാ കലോത്സവം മാർച്ച് 14, 15 തീയതികളിൽ തൃശൂർ ജവഹർ ബാലഭവനിൽ നടക്കും. കലോത്സവം ഇന്ന് വൈകിട്ട് നാലിന് കെ.കെ. രാമചന്ദ്രൻ എം.എൽ.എ ഉദ്ഘാടനം ചെയ്യും. കവിയും ഗാനരചയിതാവുമായ ഏങ്ങണ്ടിയൂർ ചന്ദ്രശേഖരൻ വിശിഷ്ടാതിഥിയാകും. കെ.ഡബ്ലിയു.എ.ഇ.യു സംസ്ഥാന ജനറൽ സെക്രട്ടറി പി. ഉണ്ണിക്കൃഷ്ണൻ, സംസ്ഥാന ട്രഷറർ ഒ.ആർ. ഷാജി, സംസ്ഥാന സെക്രട്ടറി എ. രാജു, സംസ്ഥാന സെക്രട്ടേറിയറ്റ് അംഗം ജി.ആർ. ഹേമന്ത്, കെ.എസ്. വിനോദ് എന്നിവർ പങ്കെടുക്കും. കലോത്സവത്തിൽ ഇരുപതോളം മത്സരയിനങ്ങളിൽ വാട്ടർ അതോറിറ്റി ജീവനക്കാർ മാറ്റുരയ്ക്കും.